काठमाडौं । अठ्ठाईस बर्ष भित्रका “जेनजी ” पुस्ताले भ्रष्टचार र सामाजिक संजाल बन्दको बिरुद्द भोलि ९ बजे माइतिघर, बानेश्वर क्षेत्रमा बिरोध प्रदर्शन गर्नेभएका छन्। शान्तिपूर्ण आन्दोलनमा पत्रकारहरु, सञ्चार उद्योगीहरु, नागरिक समाजहरू, व्यापारी हरुले पनि आफ्नो उपस्थिति जनाउने भएका छन्।
काठमान्डौ म.न.पा. का मेयर बालेन शाहले आफ्नो उमेरको कारण सो आन्दोलनमा जान नसकिएपनी आफ्नो समर्थन रहेको बताएका छन्। मेडिकल व्यवसायी दुर्गा प्रसाईंले पनी सो आन्दोलनको समर्थन जनाएका छन्।
टिकटकमा नेपो बेबिज (nepo babies) (nepo kids) भन्ने लहरहरु चलाएका (Gen z पुस्ता- १९९७/२०१२ सम्म जन्मिएका इन्टरनेट सङ्ग खेलेर हुर्किएका ) प्रयोगकर्ताहरूले करदाताको पैसाबाट नेताहरु र नेताका छोराछोरीहरुको बिलासी जीवनशैली (उनीहरूका महङ्गा गाडी, उनीहरूका,महङ्गा सामान,उनीहरूको खिर्चिलो यात्रा) अनि गरिबका छोराछोरीहरूको सामान्य र कष्टकर जीवन, एकछाक खाना खानपनी धेरै दुःख गर्नुपर्ने शिक्षा स्वास्थ्य नपाएर कष्ट भोग्नुपर्ने, एक प्लेट ममको निम्ति पनि बार्गेनिङ गर्नपर्ने, नेताहरुले भ्रष्टाचार गर्नाले जनताका छोराछोरीहरूले दुःख पाउने गरेको अवस्थाबारे समेटेर भिडियो मार्फत बाहिर ल्याउने गरेका छन्।
टिकटक सञ्जालमा मात्रै होईन भ्रष्टाचार विरुद्ध अभियान चलाएका उनीहरूले भाद्र २३ सोमबार बिहान ९ बजे बानेश्वरमा भ्रष्टाचार विरुद्ध सडकमा उत्रन आह्वान पनि गरेका छन्।
