भक्तपुर । मध्यपुर थिमि नगरपालिका वडा नं. ७ मा भगवान् गौतम बुद्धको प्रतिमा अनावरण तथा उद्घाटनका क्रममा शिलालेखमा देखिएको प्राविधिक त्रुटि सच्याएर नयाँ शिलालेख निर्माण गरी स्थापना गरिने भएको छ। पूर्णिमाको दिन आयोजित कार्यक्रममा शिलालेखमा केही त्रुटि देखिएपछि त्यसलाई सच्याएर सही विवरणसहित पुनः स्थापना गर्ने तयारी गरिएको हो।
बुद्धको प्रतिमा अनावरण तथा उद्घाटन समारोहका क्रममा शिलालेखमा प्राविधिक त्रुटि रहेको विषय सार्वजनिक भएपछि स्थानीयस्तरमा त्यसलाई सच्याउनुपर्ने आवाज उठेको थियो। उक्त विषयलाई सम्बोधन गर्दै मध्यपुर थिमि नगरपालिका वडा नं. ७ का वडाध्यक्ष कृष्णकुमार प्रजापतिले त्रुटि सच्याएर नयाँ शिलालेख स्थापना गर्ने प्रतिबद्धता व्यक्त गर्नुभएको छ।
वडाध्यक्ष प्रजापतिले स्वर्गीय निरज बाडे तथा उपभोक्ता समितिसहितको सहभागितामा नयाँ शिलालेख निर्माण गरी स्थापना गरिने प्रतिबद्धता जनाउनुभएको बताइएको छ। यससँगै शिलालेखमा उल्लेख गरिएका विवरणलाई सच्याएर सही र स्पष्ट जानकारी समावेश गर्ने प्रक्रिया अघि बढ्ने अपेक्षा गरिएको छ।
शिलालेखमा भएका प्राविधिक त्रुटि सच्याउन पहल गर्नुभएकोमा सम्बन्धित पक्षले वडाध्यक्ष प्रजापतिप्रति धन्यवाद व्यक्त गरेका छन्। उनीहरूले त्रुटि सुधार गर्ने प्रतिबद्धतालाई सकारात्मक रूपमा लिँदै नयाँ शिलालेखमा आवश्यक विवरण सही ढंगले समावेश गरिने विश्वास व्यक्त गरेका छन्।
भगवान् गौतम बुद्धको प्रतिमा तथा त्यससँग सम्बन्धित शिलालेख धार्मिक, सांस्कृतिक र ऐतिहासिक महत्त्वसँग जोडिने भएकाले अभिलेखमा उल्लेख गरिने विवरण शुद्ध र विश्वसनीय हुनु आवश्यक मानिन्छ। नयाँ शिलालेख निर्माण गरी स्थापना गर्ने प्रतिबद्धताले देखिएका त्रुटि सच्याउन सहयोग पुग्ने र प्रतिमासँग सम्बन्धित विवरणलाई व्यवस्थित बनाउने अपेक्षा गरिएको छ।
