काठमाण्डौ। हामी र हाम्रो कृति समाजले अग्रज मुक्तकारहरूको मुक्तकवाचन कार्यक्रम तथा संयुक्त मुक्तक कृति लोकार्पण कार्यक्रम सम्पन्न गरेको छ।
नेपाल प्रज्ञा प्रतिष्ठानको सिद्धिचरण सभा हलमा राष्ट्रको सम्मानमा राष्ट्रिय गान बजाएर हामी र हाम्रो कृति समाजद्वारा प्रकाशित २०औँ कृति, १११ जना स्रष्टाका १३३२ मुक्तक संग्रहित मुक्तक संग्रहको लोकार्पण भएको हो।
दुई खण्डमा प्रस्तुत गरिएको उक्त कार्यक्रममा पहिलो खण्डमा पुस्तकको लोकार्पण भएको थियो भने दोस्रो खण्डमा नौ जना अग्रज मुक्तकार ज्यूहरूले मुक्तक वाचन गर्नुभएको थियो।
हामी र हाम्रो कृति समाजका संस्थापक अध्यक्ष मदन नेपालज्यूको सभापतित्वमा सुरु भएको कार्यक्रमका प्रमुख अतिथि नेपाल प्रज्ञा प्रतिष्ठानका कुलपति भुपाल राई रहनुभएको थियो।
कार्यक्रमको दोस्रो खण्डमा अग्रजमुक्तकारहरूको मुक्तकवाचनको कार्यक्रम राखिएको थियो। उक्त दोस्रो खण्डको कार्यक्रमको अध्यक्षता वरिष्ठ साहित्यकार उषा शेरचनले गर्नुभएको थियो।
अग्रजलाई सम्मान हाम्रो अभियान शृङ्खला अन्तर्गत हामी र हाम्रो कृति समाजले एउटै मञ्चमा नौ जना वरिष्ठ अग्रज साहित्यकारहरूलाई प्रस्तुत गरेको थियो।
अग्रज साहित्यकारहरु उषा शेरचन, ज्ञानुवाकर पौडेल, रामकाजी काेने, राधेश्याम लेकाली, यादव भट्टराई,रमेश पाैडेल, प्रकाश बस्नेत गफाडी, सुवासचन्द्र ढुँगेल, डा. गाेपाल पाैड्याल मण्डने लगायत हुनुहुन्थ्यो। मञ्चमा रहनुभएका सम्पूर्ण अतिथि हरूलाई फूल माला पहिराएर उपाध्यक्ष नम्रता उप्रेती, सुधा बाँस्कोटा र मन्दा पाैडेलले स्वागत गर्नु भएकाे थियाे।
कार्यक्रमको उद्घाटन नेपाल प्रज्ञा प्रतिष्ठानका कुलपति भुपाल राईको बाहुली बाट पानसमा बत्ति बालेर गरिएको थियो भने पुस्तकको लोकार्पण पश्चात प्रमुख अतिथि भुपाल राईले हामी र हाम्रो कृति समाजले विगत देखि वर्तमान सम्म गरेका महत्त्वपूर्ण कार्यहरूको बारेमा खुलेर प्रशंसा गर्दै सिङ्गो संस्थालाई आगामी दिनहरुमा थप क्रियाशिल रहन उत्साह दिदै धन्यवाद प्रकट गर्नुभएको थियो।
हामी र हाम्रो कृति समाजले आफ्नो स्थापनाको छोटो अवधिमा नै नेपाली साहित्यको जगेर्ना गर्दै प्रतिभाहरूलाई उजागर गर्ने सराहनीय कार्य गरेको प्रती सन्तोष ब्याक्त गर्नुभयो।
सुभद्रा अधिकारीले स्वागत मन्तव्य र समाजका सचिव बद्री उप्रेतीले कार्यक्रमको बारेमा प्रकाश पार्नु भयो।हातेमालो साहित्य संगमका अध्यक्ष सुनिल अधिकारी ले शुभकामना मन्तव्य राख्दै हामी र हाम्रो कृति समाजले गरेको कार्य निकै प्रशंसनीय रहेको बताउनु भयो।
लगातार ३ घण्टा सम्म चलेको कार्यक्रममा अग्रज श्रष्टाहरूले दुई चरण गरेर आफ्ना १२ थान,१२ थान, मुक्तक वाचन गर्नु भयो। कार्यक्रममा विभिन्न साहित्यीक संघ संस्थाका स्रष्टा,सर्जक र १५० जना साहित्यकारहरुको उपस्थिति रहेको थियो। कार्यक्रम समाजका सदस्य नवराज नवशिलाले सञ्चालन गर्नुभएको थियो।
सम्पूर्ण उपस्थित स्रष्टा,सर्जक तथा साहित्यकार हरुलाई कार्यक्रममा उपस्थितिक लागि धन्यवाद ज्ञापन गर्दै संस्थाका अध्यक्ष मदन नेपाल ले कार्यक्रमलाई समापन गर्नु भएको थियो।
