हिमांशु राय, मोरङ । नेपाल ललितकला प्रतिष्ठान मुख्य आयोजक तथा बेलबारी प्रज्ञा प्रतिष्ठान सह आयोजकको रुपमा फागुण १६ गते बाट प्रादेशिक ललितकला प्रदर्शनी सुरु भएको छ।
कोशी प्रदेशका मुख्यमन्त्री हिक्मत कार्की द्वारा उक्त प्रदर्शनीको उद्घाटन गरेका छन्।
प्रदर्शनीमा नेपालको प्राकृतिक सौन्दर्य, संस्कृतिको झल्को दिने चित्रकला, सामाजिक यथार्थ झल्काउने डिजिटल आर्ट लगायत परम्परागत मूर्तिकलाहरू मुख्य आकर्षणका रूपमा सजाएर राखिएका छन्। प्रदर्शनी अवलोकनपछि कलाकारहरूको सिर्जनालाई खुलेर प्रशंसा गर्दै मुख्यमन्त्री कार्कीले प्रदेश सरकारले यस्ता सृजनात्मक प्रयासहरूलाई सदैव आफरले समर्थन र साथ सहयोग गर्ने प्रतिबद्धता समेत जनाएका छन्।
आगामी जेठ महिनामा काठमाण्डौमा आयोजना हुने राष्ट्रिय प्रदर्शनीमा यहाँ बाट छानिएका कलाकृति र प्रतिभाहरुले सहभागी हुन मौका पाउने छन् । पहिलो संस्करणको प्रदर्शनी सुनसरीको इटहरीमा भएको र उक्त प्रर्दशनीमा १४९ कलाकारका १५६ ओटा विभिन्न कलाकृतिहरुको प्रदर्शनी गरिएको थियो।
जस्मा ६० जना कलाकारका कलाकृतिहरु राष्ट्रिय प्रदर्शनीका लागि छनौटमा परेको र ९ जना कलाकारहरुले विभिन्न कलाकारीता विधा अन्तर्गत पुरस्कार र सम्मान समेत प्राप्त गरेको आयोजकले जानकारी गराईएको छ।
प्रत्येक दिनको छुट्टाछुट्टै कार्यक्रम तालिका बनाईएको छ।पहिलो दिन उद्घाटन समारोह, दोस्रो दिन राष्ट्रिय कलाकारहरु सहितको कला संम्वन्धीको कार्यशाला, तेस्रो दिन समसामयिक कला तथा लोककला एवम् रैथाने कलासम्बन्धी ललितकला संवाद र अन्तरक्रिया, अनि चौथो दिन महत्त्वपूर्ण साहित्यीक सांस्कृतिक एवम् सांगीतिक कार्यक्रम र पाँचौँ दिन समापन समारोह कार्यक्रम हुने आयोजक समितिले जानकारी गराईएको छ ।
प्रदर्शनीको लागि आर्थिक वजेट करिव २० देखि २५ लाखको हाराहारीमा खर्च हुन सक्ने अनुमान गरिएको छ। नेपाल ललितकला कोशी प्रदेश समाजिक विकाश मन्त्रालय र बेलबारी नगरपालिकाको आर्थिक सहयोगमा हुने सो प्रदर्शनीमा स्थानिय साहित्यीक संघ संस्थाहरुको समेत सहकार्य रहनेछ।
बेलबारी १ स्थित तमु बौद्धष्ट गुम्बामा आजबाट सुरु भएको प्रदर्शनी आगामी २० गतेसम्म जारी रहने आयोजक समितिले यस अघिनै पत्रकार सम्मेलन मार्फत जानकारी गराई सकेको छ।
