काठमाडौ । खोटाङको साविकको सदरमुकाम दिक्तेल रुपाकोट मझुवागढीमा मतदाताको मनकी बस्नुभएकी उपप्रमुख विणादेवी राई पुनः दोहोरिनुहुने भएको छ ।
मेयर पदको दावी गरेर उपमेयरमा पुनः नदोहोरिने घोषणा गर्नुभएकी राई मतदाताको हारगुहारकै कारण पुनः उम्मेदवार बन्ने निर्णयमा पुग्नुभएको हो ।
खोटाङ जिल्लाकै शीर्ष नेता कुमार आचार्यलाई मेयरको रुपमा टिकट दिने र राईलाई दोहोर्याउने पार्टी मातहतका कमिटीको निर्णय आएसँगै बिणादेवि राईले मतदातासँग कुरा गरेर दोहोरिने निर्णयमा पुगेको जानकारी सामाजिक सञ्जालमा लेख्दै जानकारी दिनुभएकाे छ ।
सबैमा नमस्कार
राजनीमा असम्भव भन्ने कुरा केही हुदैन र सम्भावना भएर पनि कहिले काहीँ सोचेजस्तो हुदैन भन्ने कुरा म एउटा राजनीतिकर्मी भएको नाताले राम्रोसँग बुझेकी छु ।
आसन्न बैशाख ३० गते हुने निर्वाचनमा मैले हाम्रो पार्टी बाट मेयरको दाबी गरेकी थिए तर परिस्थिति सोचे जस्तो बन्न सकेन साथै पार्टीले उप प्रमुखमा टिकट दिएको थियो । तर एउटै पदमा दोहोरिन हुदैन भन्ने सोचेर म उठ्दिन भनेकै हो ।
तर यो दुइदिन भित्र केन्द्रीय, प्रदेश र जिल्लाका नेताहरुले पार्टीको कार्यकर्ताहरु विशेष गरि जनता (मतदाता) हरुले म प्रती देखाउनु भएको सहानुभूति, सद्भाव तपाईं बिना कसरी अगाडि बढ्नु भनेर रुवाबासी यो सबै देखेर सोचे राजनीति यात्रा लामो छ यो साथहरु मलाइ सधै चाहिन्छ उहाहरुको भावनाको कदर गर्नु पर्छ भन्ने मान्यताका साथ मैले उप प्रमुखमा आफ्नो उमेरदारी दर्ता गर्ने निर्णय गरेकी छु ।
सम्पुर्ण नगर वासिहरुमा अनुरोध गर्दछु मेयरमा कुमार आचार्य, उप प्रमुखमा म बिणादेवी राई साथै सम्पुर्ण नेकपा (एमाले) को टिमलाइ भोट दिएर बिजय गराउन हुन अनुरोध गर्दछु ।
साथै (हिजो प्रदेश बाट पत्र आउदा मेरो नाम उप आयो मैले जबर्जस्त मेरो नाम हटाउन र कमरेड राजकुमारी को नाम राख्न लगाएको हो उहाँलाई पनि यो परिस्थिति बुझ्नुहुने छ)
