काठमाडौं । सहरी विकास मन्त्री रामकुमारी झाँक्रीले विकासमा काम भन्दा बढी प्रचार गरिने प्रवृत्तिको अन्त्य गर्दै आफ्नो पार्टीले काम गरेर देखाउने बताएकी छन् । शनिबार गृह जिल्ला गुल्मीको नेकपा एकीकृत समाजवादी पार्टीको जिल्ला स्तरीय कार्यकर्ता भेलालाई सम्बोधन गर्दै सो पार्टी सचिव समेत रहेकी झाँक्रीले यस्तो बताइन् ।
झाँक्रीले भनिन्, ‘गुल्मीको हकमा पनि विकासभन्दा गफ बढी हुने गरेको छ । अब हामी जिल्लाको विकासमा गफ कुनै प्रचार होइन कामै गरेर देखाउँछौ । हेर्नुस् त यो सदरमुकाममा हजारौँ मान्छे अट्न सक्ने सभा हल छैन । यसर्थ विशाल सभा हल बनाउने प्रक्रियामा छौँ । सदरमुकाम जस्तो ठाउँमा सार्वजनिक शौचालय छैन । सडक खाल्डाखुल्डी छन् त्यसका लागि रकम स्वीकृत भैसकेको छ ।’
