हिमांशु राय; बेलबारी-मोरङ ।
नेपाली काङ्ग्रेस केन्द्रीय कार्यसमिति को निर्णय अनुसार देशका ७७ जिल्ला अन्तर्गतका प्रदेश, क्षेत्र,नगर तथा वडाहरुमा स्थानिय,प्रदेश र संघिय तिनै तहको निर्वाचन लाई मध्यनजर राखी आफ्ना कार्यकर्ता हरुको माझमा घर घर जाऔ काङ्ग्रेस जिताऔ अभियान द्वारा नेपाली काङ्ग्रेस ले यहि २०७८ चैत्र ६ देखि १२ गते सम्म देश ब्यापी रुपमा कार्यकर्ता प्रशिक्षण तथा संगठन विस्तार कार्यक्रम संञ्चालन गर्न शुरु गरेको छ।
मोरङ को क्षेत्र नम्वर ३, अन्तर्गतको बेलबारी नगरपालिका को वडा नम्वर ११, मा काङ्ग्रेस का वडा सभापति विक्रम वान्तवा को सभाअध्यक्षतामा हिजो कार्यकर्ता प्रशिक्षण तथा संगठन विस्तार कार्यक्रम प्रदेश महाधिवेशन प्रतिनिधी काङ्ग्रेस नेत्री प्रेमला राई को प्रमुख आथित्यमा सम्पन्न भएको छ। वडा पार्टीका क्रियाशिल सदस्य तथा पार्टी प्रती आस्था राख्ने शुभचिन्तक एंव भातृ संघ नेपाल तरुण दल,नेपाल महिला संघ,नेपाल साँस्कृतिक संघ लगायतको व्यापक उपस्थिति मा कार्यकर्ता प्रशिक्षण तथा संगठन विस्तार कार्यक्रम सम्पन्न भएको हो।
राष्ट्रगान गाएर राष्ट्रप्रती सम्मान जनाउदै शुरु गरिएको प्रशिक्षण कार्यक्रममा ज्ञात अज्ञात शहिदहरु प्रती एक मिनेट मौनधारण गरि महामानव विश्वेश्वरप्रसाद कोईरालाको तस्विरमा पुष्पगुच्छा अर्पण गरे पश्च्यात जिल्ला बाट खटाईएका प्रशिक्षक प्रतिनिधीहरु बाट विधिवत कार्यक्रमको अन्तर विषय बस्तु मा प्रवेश गरि कार्यक्रमलाई संञ्चालन गरिएको थियो।
प्रशिक्षण कार्यक्रम वर्तमान एम सि सि सम्वन्धी जनमानसमा उठेका नकारात्मक भ्रमको चिरफार तथा काङ्ग्रेस को भावी चुनावी रणनीति र संगठन विस्तार सम्वन्धमा केन्द्रीत रह्यो। आशन्न तिनै तहको निर्वाचन मा काङ्ग्रेस लाई यो देशकै ठूलो पार्टीको रुपमा स्थापित गराई लोकतन्त्र को पहरेदार गर्नु पर्ने जिम्मेवारी अब काङ्ग्रेस पार्टीको काँधमा आईपरेको ले देशै भरि बाट वर्तमान विकृति,विसंगति र वेथितिहरुलाई चिर्दै जनताको घरदैलोमा पुगेर घर घर जाऔकाङ्ग्रेस जिताऔ अभियानलाई सार्थक बनाउन सम्पुर्ण लोकतन्त्र प्रेमीहरु तयार हुनुपर्नेमा अधिकांश उपस्थित नेता तथा जिज्ञासु कार्यकर्ताहरुले प्रशिक्षणका क्रममा सल्लाह,सुझाव र आफ्नो राय ब्याक्त गरे।
