खोटाङ। नेपाली कांग्रेस खोटाङले आइतबारदेखि चुनावी अभियान सुरु गरेको छ। आगामी वैशाख ३० गते हुने स्थानीय तह निर्वाचन लक्षित ‘घरघर जाऔं, कांग्रेस जिताऔं’ अभियान सुरु गरिएको हो। कांग्रेसले जिल्लाका लागि ‘जनताको घर घरमा नेपाली काँग्रेस, काँग्रेसको पक्षमा अबको जनादेश’ भन्ने नारापनि सँगै लिएर अभियान सुरु गरेको हो।
चैत २९ गतेसम्म चल्ने अभियानमा नागरिकलाई पार्टीका एजेन्डाबारे जानकारी दिने र जनस्तरबाट आएका सुझाव संकलन गर्ने जिल्ला सभापति विष्णु कुमार राईले जानकारी दिए। कांग्रेसको दृष्टिकोण, राष्ट्रिय मुद्दाहरूमा लिइएका अडान र महत्त्वपूर्ण विषयलाई नागरिकसमक्ष पुर्याउने उनको भनाई छ।
खोटाङका लागि केन्द्रीय सदस्य कल्पना चौधरीको प्रमुख आतिथ्यतामा विपि स्मृति भवन दिक्तेलवजारमा वृहत अन्तरकृयात्मक कार्यक्रमको आयोजना गरि प्रथम चरणको अभियान उद्घाटन गरिएको हो। अभियान खोटाङका ७९ वटै वडामा सञ्चालन हुनेछ।
