खोटाङ । नेपाली कांग्रेस खोटाङले विपि कोइरालाको अर्धकदको शालिक स्थापना गर्ने भएको छ । दिक्तेलमा रहेको विपि स्मृति भवनको अघिल्तीर विपिको शालिक स्थापना गर्ने जिल्ला कार्य समितिको निर्णय अनुसार काम अघि बढेको कांग्रेस खोटाङका महाधिबेशन प्रतिनिधि तथा पुर्व जिल्ला उपसभापति धर्मराज पोखरेलले बताएका छ।
शालिक स्थापनाका लागि आर्थिक संयोजकको समेत जिम्मेवारी पाएका कांग्रेस नेता पोखरेलका अनुसार विपिको शालिक स्थापनार्थ पेश्की दिएर शालिक निर्माणको काम शुरु भइसकेको छ । शालिक स्थापनाका लागि आवश्यक बजेट व्यवस्थापनका लागि सहयोग संकलन जारी राखिएको खोटाङ कांग्रेसले जनाएको छ ।
