बैशाख ३०, काठमान्डौ। नेकपा एमालेले नेता माधवकुमार नेपालसहित चार नेतामाथि गरिएको कारबाही फुकुवा गरेको छ । बालुवाटारमा बसेको स्थायी कमिटीको बैठकले नेपालसहित चार नेतामाथि गरिएको कारबाही फुकुवा गर्ने निर्णय गरेको हो।
सर्वोच्च अदालतको २३ फागुनको फैसलासँगै एमाले ब्युँतिएपनि पार्टीभित्र समानान्तर गतिविधि गरेको भन्दै एमालेले यसअघि नेताहरू नेपाल, भीम रावल, सुरेन्द्र पाण्डे र घनश्याम भुसाललाई ६ महिनाका लागि पार्टीबाट निलम्बन गरेको थियो ।
