काठमाडौं । संविधान दिवसको अवसरमा प्रतिनिधिसभाकी उपसभामुख रुबीकुमारी ठाकुरले स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइमा हार्दिक शुभकामना व्यक्त गरेकी छन्।
उपसभामुख ठाकुरले नेपाली जनताको लामो संघर्ष, त्याग र बलिदानबाट प्राप्त नेपालको संविधानले संघीय लोकतान्त्रिक गणतन्त्र, समानता, सामाजिक न्याय, समावेशिता तथा नागरिकका मौलिक अधिकारलाई संस्थागत गरेको उल्लेख गरेकी छन्।
उनले संविधानका उपलब्धिहरूलाई अझ सुदृढ गर्दै सुशासन, समृद्धि, सामाजिक न्याय र समान अवसर सुनिश्चित गर्नु आजको साझा दायित्व रहेको बताएकी छन्।
ठाकुरले संविधानको मर्म र भावनाअनुरूप सबै नागरिकको अधिकार र सम्मान सुनिश्चित गर्नुपर्नेमा जोड दिँदै समुन्नत, न्यायपूर्ण र समृद्ध नेपाल निर्माणका लागि सबै एकताबद्ध भएर अघि बढ्न आह्वान गरेकी छन्।
संविधान दिवसको अवसरमा उनले सम्पूर्ण नेपालीमा सुख, शान्ति, समृद्धि र राष्ट्रिय एकताका लागि शुभकामना व्यक्त गर्दै संविधान दिवसको हार्दिक मंगलमय शुभकामना दिएकी छन्।
