जनकपुरधाम । जनकपुरधाम उपमहानगरपालिका–६ का वडाध्यक्ष दिनेशप्रसाद साहको मंगलबार निधन भएको छ । लामो समयदेखि बिरामी रहेका साहको उपचारका क्रममा अस्पतालमा निधन भएको जनकपुरधाम उपमहानगरपालिकाका निमित्त प्रमुख प्रशासकीय अधिकृत मेहिलाल यादवले जानकारी दिए ।
वडाध्यक्ष साहको निधनले जनकपुरधाम उपमहानगरपालिका तथा वडावासीमा शोक छाएको छ । साह लामो समयदेखि स्वास्थ्य समस्याबाट पीडित हुँदै आएका थिए । उपचारका क्रममा उनको निधन भएको उपमहानगरपालिकाले जनाएको छ ।
साहको निधनको शोकमा जनकपुरधाम उपमहानगरपालिकाले मंगलबार शोक बिदा दिएको छ । उपमहानगरपालिकाका निमित्त प्रमुख प्रशासकीय अधिकृत यादवका अनुसार अत्यावश्यक सेवाबाहेक उपमहानगरपालिका कार्यालय तथा मातहतका सबै निकायमा शोक बिदा दिइएको हो ।
उपमहानगरपालिकाले जनप्रतिनिधिका रूपमा साहले पुर्याएको योगदानप्रति सम्मान व्यक्त गर्दै शोकसन्तप्त परिवारजनप्रति समवेदना प्रकट गरेको छ । साहको निधनले स्थानीय तहमा जनप्रतिनिधिको रूपमा उनको भूमिकाको अभाव महसुस हुने उपमहानगरपालिकाले जनाएको छ ।
