मोरङ- केराबारी। मोरङको केराबारीमा आयोजित प्रथम केराबारी सिङ्गिङ आइडलको विजेता केराबारी ९ कि सरला तामाङ घोषित भएकी छिन ।
शनिबार भएको ग्राण्ड फिनालेमा उनी आईडल बनेकी हुन । बिजेता बने सङ्गै ४० हजार नगद , ट्रफी ले पुरस्कृत संग संगै एउटा गीत रेकर्डिङ गर्ने अवसर पनि प्राप्त गरेकी छिन। त्यसैगरी फस्ट रनरअप केराबारी ५ कि मनिता कुँवर भएकी छिन । उनले पनि नगद २० हजार ,ट्रफी बाट पुरस्कृत हुनुका साथै एउटा गीत रेकर्डिङ गर्ने अवसर प्राप्त गरेकी छिन्।सेकेण्ड रनरअप बनेका केराबारी २ का दिलिप लिम्बूले नगद १५ हजार र सान्तवना भएका केराबारी १ का बिमल लिम्बूले नगद १० हजार पुरस्कार प्राप्त गरेका छन् ।
कार्यक्रममा मुख्य निर्णायकमा नेपालको चर्चित रियालिटी शो द भ्वाइस अफ नेपालका निर्णायक गायक तथा सङ्गीतकार उदय सोताङ रहेका थिए। त्यसैगरी गीतकार तथा सङ्गीतकार जे.बि. थुलुङ ,सङ्गीतकार रमेस सुवेदी निर्णायक मण्डलमा रहेका थिए ।
सङ्गीतको क्षेत्रमा शारीरिक अशक्तताको बावजुध योगदान पुर्याएका केराबारी निवासी सङ्गीतकार रमेस सुबेदीलाई उनले नेपाली गीत संगित क्षेत्रमा पुर्याउदै आएको योगदानको उच्च मुल्यांकन गरि सम्मान समेत गरिएको थियो।कार्यक्रमका प्रमुख अतिथि तथा केराबारी गाउपालिकाका अध्यक्ष सुमन मिरिङ चिङ र केराबारी अनलाईन मिडिया प्रालिका अध्यक्ष भक्तशेर लिम्बुले संयुक्त रुपमा सम्मानित ब्याक्तित्व लगायतलाई टोपी ओडाएर कार्यक्रममा सम्मान गरेका थिए ।
