हिमांशु राय ,मोरङ-बेलबारी । बेलबारी साहित्य बिकास समितिको आयोजनामा कवि शेर बहादुर खपाङ्गीको कविता सङ्ग्रह “तरेलीका पिपिराहरु” लोकार्पण कार्यक्रम सम्पन्न भएको छ।
कार्यक्रममा प्रमुख अतिथि बेलबारी नगरपालिकाका नगरप्रमुख दिल प्र.राई बिशिस्ट अतिथि पुर्व सांसद हर्कमान तामाङ,संविधानसभा सदस्य मधु गुरुङ, समिक्षक साहित्यकार ईरानराई ,बेलबारी बहुमुखी क्याम्पस प्रमुख भुपेन्द्र प्रसाद कोईराला लागायत विभिन्न साहित्यिक एवम शैक्षिक र समाजिक संघ,सस्थाहरु बाट प्रतिनिधित्व गर्दै कार्यक्रममा सहभागी हुनेहरुको संख्या बाक्लो रहेको थियो।
साहित्यिक स्रष्टा,सर्जक समाजिक ब्याक्तित्व कृति लेखकका परिवारजन,सहकर्मी अन्य विभिन्न ब्याक्तित्वहरु मिडिया,सञ्चारकर्मीहरूको गरिमामय उपस्थितिले पुस्तक लोकार्पण कार्यक्रम सबैका लागि उत्साहजनक बनेको आयोजक समितिले बताएको छ।
कार्यक्रममा कृतिको समिक्षा साहित्यकार इरान राईले प्रस्तुत गरे।
बेलबारी क्याम्पसका प्रमुख भुपेन्द्रप्रसाद कोईरालासहित अन्य विभिन्न बौद्धिक ब्याक्तित्वहरु समेत कार्यक्रममा सहभागी हुदाँ आयोजक बेलबारी साहित्य विकाश समितिलाई थप उत्साह र हौशला मिलेको आयोजकले बताएको छ।
कार्यक्रममा मन्तव्य, गीत गायन, रचना वाचन लगायतका विविध साहित्यिक प्रस्तुतीहरू मार्फत वातावरण साहित्यिक र सांस्कृतिकमय रंगिन माहौलमा रंगिएको बताईएको छ।
समितिका तर्फबाट अध्यक्ष रमेश निरौलाले कार्यक्रममा सक्रिय भूमिका निर्वाह गर्ने सबै १०९ जना सहभागीलाई प्रेमपूर्वक सम्मान र आभार व्यक्त गर्नुभयो।
कार्यक्रममा निमन्त्रणा गरेका प्रायजसो सबै स्रष्टा र सर्जक लगायत अन्य ब्याक्तित्वहरुको गरिमामय उपस्थितिका कारण कार्यक्रम अत्यन्त प्रभावशाली र सफल बनेको आयोजकले बताएको छ। यस्ता साहित्यीक कार्यक्रमहरुले ब्याक्ति भित्र रहेको निहित प्रतिभालाई मात्र नभएर भौगोलिक स्थान,संस्कृति र परम्परालाई पनि संरक्षण र प्रर्वधन गर्न अग्रणी भुमिका निर्वाह गर्ने भएकोले आगामी दिनमा अझ प्रभावकारी कार्यक्रमहरु आयोजना गर्ने कार्यक्रम आयोजक बेलबारी साहित्य विकाश समितिका अध्यक्ष रमेश निरौलाले बताउनु भयो।
आयोजक संस्था बेलबारी साहित्य विकाश समिति ले ओझेलमा परेको एउटा सर्जकको प्रतिभालाई यसरी बाहिर ल्याउने महत्त्वपूर्ण काम गरेकोमा कवि शेर बहादुर खपाङगीले अत्यन्तै खुशी र भावुक हुदै आयोजक संस्था र कार्यक्रममा सहभागी हुने सम्पुर्णमा आभार ब्याक्त गर्नु भयो।
साहित्य विकाश समितिले आफ्नो स्थापनाकाल देखि नै कला,संस्कृति,गीत संगित र साहित्य संग जोडिएर विविध रचनात्मक कार्यक्रमहरु संचालन गर्दै आईरहेको छ।
