डिकेन्द्र बस्नेत, झापा । जुलाई ८ देखि थाइल्यान्डमा हुने टिन स्टार इन्टरनेसनल २०२४ का लागि नेपालबाट ३ जनाले प्रतिनिधित्व गर्ने भएका छन। शनिबार पत्रकार सम्मेलन गरि सो प्रतियोगितामा भाग लिन बैंकक जाने बताएको छ।
प्रतियोगिताको लागि मिस आर्टस्टि सिजन १ कि विजेता रोशनी दर्नाल, जुनियरतर्फ सिजन ३ विजेता लक्शि श्रेष्ठ, अर्गनाइजेसन चोइस विजेता सञ्जिता मगर गरि ३ जना प्रतिस्पर्धीहरु जाने तय भएको हो । उनिहरुसँगै आयोजकको तर्फबाट एकजना र अभिभावक दुईजना सहित जम्मा छ जना थाइल्यान्ड जाने तयारी छ।
प्रदेशबाट आयोजना भएको इभेन्टमा भाग लिएर टाइटल जितेका इन्टरनेसनल ऐेरेनामा भागलिन जानेमा सम्भवत कोसी प्रदेशभित्र भएको कार्यक्रमबाट इतिहासमै पहिलो रहेको क्लियोपेट्रा इभेन्टसका अध्यक्ष प्रविण पाठकले बताए। उनले भने काठमाडौं र नेपालको अन्य ठाउँहरुबाट केही प्रतिस्पर्धीहरु बाहिर देशहरूमा प्रतिस्पर्धाको लागि जाने गरेको त विद्यमान नै छ । अबका दिनमा हामीले यस इभेन्टलाई बृहत लानु पर्छ, नेपाललाई अन्तर्राष्ट्रिय जगतमा चिनाउन यो पनि एउटा प्ल्याटफर्म हुन सक्ने पाठकले विश्वास गरेका छन।
सम्मेलनमार्फत अध्यक्ष पाठकले भने यहाँसम्म आइपुग्दै गर्दा हामीलाई दमकमा रहेका विद्यालयहरुले आफ्नो विद्यार्थीहरु दिएर साथै अन्य विविध क्षेत्रबाट अत्यन्तै सहयोग गर्नुभएको छ। यस इभेन्टलाई अगाडि बढाउन सहयोगीदाताहरुले सहयोग र कार्यक्रमलाई स्पोनसर गर्दै आउनुभएको छ।
विशेषगरी गौरदहामा रहेको गौरव बुटिङले प्रतियोगीहरुको लागि चाहिने ड्रेसहरुको व्यवस्था गरि सहयोग गर्दै आएको छ। यसका साथै सो बुटिङले टिन स्टार इन्टरनेसनल २०२४ का लागि ड्रेस उपलब्ध गराउने भएको छ। दमकमा रहेको ग्लोबल कलेज र आश्था कलेजले विजेताहरुलाई प्लस टु पढ्नका लागि पुर्णरुपमा छात्रावृत्ति प्रदान गरेको छ।
टिन स्टार इन्टरनेसनल २०२४ जुलाई महिनाको ८ देखि १५ तारिखसम्म हुनेछ। जस्मा फिलिपिन्स, इन्डोनेसिया, काजिकस्थान, थाइलेण्ड, ताइवान, मङगोलिया, नेपाल, इण्डिया, अस्ट्रेलिया, मलेसिया लगाएत ३० वटा भन्दा बढी देशहरूको सहभागी रहनेछ।
नेपाल लगायत विभिन्न देशहरूले आफ्नो देशको संस्कृति झल्काउने रास्ट्रिय पोशाक प्रदर्शन गर्नेछन् भने विभिन्न विद्यामा प्रतिस्पर्धा हुनेछ । यसरी विजेताहरुलाई विभिन्न विद्यामा सबटाइटलहरु प्रदान हुन्छ। यसपटक नेपालबाट ३ जना रहेका छन जसमा भिन्न किसिमका उमेर समुहका छन उनिहरूको उमेर समूहमा पर्ने गरि प्रतिस्पर्धामा भाग लिनेछन।
