मायामा जितहार कसरी हुन्छ र प्रिय ?
मैले जित्दा तिमीले हार्ने माया कसरी हुन्छ ?
तिमिले जित्दा मैले हार्ने माया कसरी हुन्छ ?
भनन प्रिय, हामी प्रतिष्पर्धाकाे एउटै टिममा छैनाैँ भने त्याे खेल, माया कसरी हुनसक्छ ?
तिमी एउटा बाटो लाग्दा, म अर्काे बाटाे लाग्दा,
जङघार एक्लाएक्लै तर्नुपर्याे भने,
खाल्डाखु्ल्डिमा ठेस् लाग्दा, एक्लाएक्लै दुख्नुपर्याे भने,
भनन प्रिय त्याे सहयात्राले एउटै
गन्तव्य प्रेमकाे कसरी हुनसक्छ ?
तिमी घाम बनेर उदाउँदा म जुन बनी अस्ताएँ भने,
म जुन बनी उदाउँदा तिमी घाम बनी अस्तायाै भने,
म अँध्यारो रात हुँदा तिमी दिन बनेर ढल्याै भने,
तिमी उज्यालाे घाम हुँदा म जुन बनेर ढलेँ भनेँ,
भनन प्रिय त्याे लुकामारि,
कसरी हाम्रो त्याे भेट हुनसक्छ ?
त्यसैले आउ साँच्चै प्रेम बन्नुछ भने एकअर्कामा,
एउटै टिममा खेलाैँ अरुलाई जित्न,
एउटै बाटाे हिँडाै गन्तव्य पुग्न,
एउटै रुपमा चलाैँ सहयात्रा गर्न,
हामी सँगै बाँचाै प्रेम बनेर ।
हाम्रो प्रेम भेट्न ।
स्मिता नेपाली पर्बत फलेवास, हाल बेंशीशहर ११ लम्जुङ
