काठमाडौं । नेपाली कांग्रेसले प्रदेशसभा सदस्य नरोत्तम वैद्यलाई बागमती प्रदेशसभामा दिएको विवादास्पद अभिव्यक्ति फिर्ता लिई आत्मालोचना गर्न निर्देशन दिएको छ ।
सांसद वैद्यले प्रदेशसभामा प्रधानमन्त्री केपी शर्मा ओलीलाई लिएर आपत्तिजनक अभिव्यक्ति दिएका थिए ।
कांग्रेसका प्रवक्ता विश्वप्रकाश शर्माले बताए अनुसार सदनमा संयमता गुमाउन नहुने भन्दै अभिव्यक्ति फिर्ता लिन र आत्मालोचना गर्न वैद्यलाई निर्देशन दिइएको हो।
त्यसै गरी बागमती प्रदेश कांग्रेस संसदीय दलका नेता ईन्द्र बाँनियाले पनि एक विज्ञप्ति जारी गर्दै आफ्नो अभिव्यक्ति फिर्ता लिन आग्रह गरेका छन् ।
