काठमाडौं । नेपाली कांग्रेसबाट बाग्मती प्रदेश सभाका सदस्य नरोत्तम बैद्यले प्रधानमन्त्री के.पी.शर्मा ओलीलाई हत्या गर्न आँफु नाथुराम गोट्से बन्ने अभिब्यक्ती दिएकोमा अपराधिक मनसाय रहेको नेकपा एमालेको ठहर रहेको छ ।
शनिबार नेकपा एमालेका पार्टी प्रवक्ता प्रदीप ज्ञवालीले विज्ञप्ति जारी गर्दै प्रधानमन्त्री केपी शर्मा ओलीको हत्या गर्ने बारे दिएको अभिव्यत्तिले अत्यन्त गम्भीर रुपमा लिएको जनाउनु भएको छ ।
‘प्रधानमन्त्रीको हत्याका लागि अरुलाई समेत दुरुत्साहन गर्ने र आवश्यक परे आफै पनि हत्याका लागि तयार रहेको निजको अभिव्यक्ति आपराधिक, अत्यन्त आपत्तिजनक र निन्दनीय भएकोले सम्बद्ध राजनीतिक दलको समेत गम्भीर ध्यानाकर्षण गराएको विज्ञप्तिमा उल्लेख गरिएको छ ।
वैद्यले प्रधानमन्त्री केपी शर्मा ओलीको मनोमानी बढेको भन्दै उनको लागि एक जना नाथुराम गोट्सेको आवश्यकता परेकोले आफैँ नाथुराम गोड्से बन्न पनि तयार रहेको विवादास्पद अभिव्यक्ति दिएका थिए । नाथुराम गोड्सेले भारतमा महात्मा गान्धीको गोली हानी हत्या गरेका थिए ।
