काठमाडौं । प्रदेश सरकारहरुले बिश्वासको मत लिइरहंदा गण्डकी प्रदेशमा मुख्यमन्त्री पृथ्वीसुब्बा गुरुङले विश्वासको मत लिनुभन्दा अघि नै दिपक मनाङ्गेले साथ छोडेको खबर प्राप्त भएको छ ।
युवा तथा खेलकुदमन्त्री राजीव गुरुङ (दीपक मनाङे) ले सत्ता पक्षको साथ छाडेर बिपक्षी तिर लागेका छन् । गण्डकी प्रदेश सभामा आज मध्याह्न १२ बजेको मुख्यमन्त्री पृथ्वीसुब्बा गुरुङले विश्वासको मत लिने कार्यतालिका रहेको थियो ।
१५ वैशाखमा अविश्वासको प्रस्तावमा मतदानको तयारी हुँदै गर्दा सम्पर्कविहीन भएको भोलिपल्ट मुख्यमन्त्री गुरुङले मनाङेलाई मन्त्री बनाउनु भएको थियो ।
संविधानको धारा १६८ (३) अनुसार फेरि मुख्यमन्त्री नियुक्त भएपछि पनि मुख्यमन्त्री गुरुङले सबै मन्त्रीलाई दोहो¥याउनु भएको थियो ।
३० दिनभित्र विश्वासको मत लिनुपर्ने भएकाले गुरुङले आज प्रदेशसभामा विश्वासको मत लिने कार्यतालिका रहेपनि मन्त्री मनाङ्गे विपक्षी बिपक्षी गठबन्धनमा लागेसँगै नेपाली कांग्रेसका कृष्णचन्द्र पोखरेलको पक्षमा बहुमत जुट्ने सम्भावना बढेको छ ।
