काठमाडौँ, सत्तारुढ दल नेपाल कम्युनिष्ट पार्टी (एमाले)को प्रभावशाली युवा संगठन राष्ट्रिय युवा संघ नेपालका उपाध्यक्ष संजिव कुमार झाले पार्टी र सरकारको विरुद्धमा आई लाग्ने जोसुकै लाई अरिङ्गाल झैं जाई लाग्ने चेतावनी दिएका छन ।
पार्टी र सरकारले गरेको राम्रो कामको समेत केही अराजक तत्वहरुले नकरात्मक प्रचार गरी जनतामा भ्रम छर्ने प्रयास गरेको भन्दै उनले आक्रोस जनाउँदै पार्टी र सरकारको विरुद्धमा आइलाग्नेलाई सकरात्मक तथा कानुनी तवर जाई लाग्न मातहतका कमिटीलाई निर्देशन समेत दिएका छन।
प्रदेश नं. २ का इन्चार्ज समेत रहनुभएका उपाध्यक्ष झाले सरकारले गरेका राम्रा कामलाई जनता जनताको माझमा पुर्याउन समाजिक सञ्जाल तथा सञ्चार माध्यमलाई यथार्थ जानकारी गराई प्रचार प्रसार गर्न समेत उनले युवा संघलाई निर्देशन दिए । त्यस्तै जहाँ समस्या, त्यहाँ युवा संघको पहिचानलाई अक्षरस पालना गर्दै कोरोना संक्रमणको रोकथाम तथा नियन्त्रणको लागि २४सैं घण्टा स्वयम् सेवकको रुपमा खट्न समेत युवा संघका नेता तथा कार्यकर्तालाई निर्देशन दिए ।
उहाँले आफ्नो सामाजिक सञ्जालमा भनेका छन ,
‘सम्मानिय प्रधानमन्त्री के.पी ओली, नेकपा (एमाले) र नेपाल सरकारविरुद्ध आई लाग्नेहरुलाई अरिङाल झै जाई लाग्न रास्ट्रिय युवा संघ नेपाल प्रदेश २ लाई निर्देशन गरिदै छ । साथै सरकारले गरेको देश हित र विकासको कामलाई तल तल जनतासम्म संचार माध्यम र समाजिक संजाल मार्फत प्रचार प्रसार गर्न निर्देशन गरिएको छ । साथै कोभिड बिरुद्द तपाईंहरुले फिल्डमा गरीरहेको सेबा मुलक कामहरुको लागि विशेष धन्यवाद दिन चाहन्छु । अभिबादन ।’
