काठमाडौं जेष्ठ २० – नेकपा एमालेका नेता गोकर्ण विष्टले पार्टी एकता जोगाउन भैरहेको प्रयासलाई कमजोर पार्न खोजीएको बताएका छन् ।बिहिबार सामाजिक सञ्जालमार्फत नेता विष्टले सो कुरा बताएका हुन् । उनले पार्टी एकता जोगाउने प्रयासलाई कमजोर पार्ने दुराशयले जोडेर आफ्नो नाम जोडेर केही सञ्चार माध्यमहरूमा भ्रमपूर्ण समाचार प्रकाशित भएको बताएका छन् । इमान्दारपूर्ण प्रयासहरूलाई कमजोर पार्न सञ्चारमाध्यममा झूटा खबर आएको उनले बताएका छन् ।
पार्टी एकताका लागि लागिरहने बताउदै उनले भने – ‘पार्टी र जनसंगठनका सबै तहका कमिटीहरूलाई २०७५ जेठ २ गतेको पूर्ववत अवस्थामा फर्काएर राष्ट्र, जनता, लोकतन्त्र र कम्युनिस्ट आन्दोलनको हितमा सही विचार र कार्यदिशा सहितको सबल एवं एकीकृत कम्युनिस्ट पार्टी निर्माण गर्ने हाम्रो चाहना हो । ‘
उनले भनेका छन् – ‘नेकपा एमालेको एकता जोगाउन भैरहेको प्रयासलाई कमजोर पार्ने दुराशयले मेरो नाम समेत जोडेर केही सञ्चार माध्यमहरूमा भ्रमपूर्ण समाचार प्रकाशित गरिएका छन् । एकताका लागि गरिएका इमान्दारपूर्ण प्रयासहरूलाई कमजोर पार्न कसले, किन र कसका लागि यस्ता झुठा प्रचार गराउँदै छन् ? समयले नै बताउला ।
पार्टी र जनसंगठनका सबै तहका कमिटीहरूलाई २०७५ जेठ २ गतेको पूर्ववत अवस्थामा फर्काएर राष्ट्र, जनता, लोकतन्त्र र कम्युनिस्ट आन्दोलनको हितमा सही विचार र कार्यदिशा सहितको सबल एवं एकीकृत कम्युनिस्ट पार्टी निर्माण गर्ने हाम्रो चाहना हो । हामी यसमा निरन्तर प्रयत्नशील छौँ । अन्तिमसम्म लागिरहनेछौँ । पार्टीको सम्पूर्ण एकता नै हाम्रो विश्वास हो । हाम्रो अडान हो ।’
skynepalnews.com
