काठमाडौं १७ जेष्ठ – नेपाली कांग्रेसले आज पत्रकार सम्मेलन गर्दै जानकारी गरायो सरकारले अध्यादेशबाट ल्याएको बजेटले कुनै पनि आशा जागृत गर्न नसकेको बताएको छ।
आर्थिक वर्ष २०७८/०७९ को बजेट प्रस्तुत भएको दुई दिनपछि आज सिंहदरबारस्थित संसदीय दलको कार्यालयमा पत्रकार सम्मेलन गर्दै कांग्रेसले समग्रमा बजेटले आशा जागृत गर्न नसकेको निष्कर्ष निकालेको हो।
‘बजेटमा भनिएजस्तो अर्थतन्त्रको विस्तार साढेँ ६ प्रतिशत हुन सम्भव छैन,’ कांग्रेस नेता रिजालले भने।
सरकारले कोरोना रोकथाम तथा नियन्त्रणमा भरपर्दो व्यवस्थापन मिलाउन नसकेको पनि रिजाल बताउँछन्।
‘समग्रमा कोरोना कहरबाट आफन्तजन गुमाएका, आफैँ संक्रमित भएका र रोजगारी गुमाएका वा त्यस्तो जोखिममा परेका, अर्थतन्त्रको गतिहीनता र राजनीतिक दाउपेच र खिचातानबाट आजित र निराश नागरिकबीच यो बजेटले कुनै पनि आशा जागृत गर्न सकेको छैन,।
सरकारले ल्याएको बजेटले जनतामा कुनै राहत नदिएको दाबी पनि उनको छ। ‘जनता अन्धकारको सुरूङमा धकलिएको महशुस गरिरहेको छ,’ उनले भने।
प्रतिनिधि सभा पुनर्स्थापना भएको खण्डमा बजेट के गर्ने त्यसैबेला टुंगो लगाइने उनले बताए। प्रतिनिधि सभा विघटनबारे सर्वोच्चमा मुद्दा छ।
