नेकपा एमालेका अध्यक्ष केपी शर्मा ओलीले माधव नेपाल समूहलाई शेरबहादुर देउवालाई प्रधानमन्त्री बनाउनुपर्ने मागसहित सर्वोच्च अदालतमा पेश गरिएको रिटमा गरेको हस्ताक्षर फिर्ता लिन अल्टिमेटम दिएपछि नेपाल समूहले पनि ओलीलाई उल्टै चेतावनी दिएको छ।
ओलीले आज बसेको केन्द्रिय समितिको बैठकमा नेपाल समूहलाई दुई दिनभित्र हस्ताक्षर फिर्ता नलिए पार्टी एकता नगर्ने चेतावनी दिएका थिए। उक्त ओलीको अभिव्यक्तिमाथि नेपाल समूहले कुनैपनि हालतमा हस्ताक्षर फिर्ता नगर्ने बताएको हो ।
कांग्रेस सभापति देउवालाई प्रधानमन्त्री नेपालसहित उनी पक्षधर २३ जनाले हस्ताक्षर गरेका छन्।
उता, नेपालनिकट नेतृ रामकुमारी झाँक्रीले पनि अदालतमा बुझाएको हस्ताक्षर फिर्ता नगर्ने स्पष्ट पारिन् । एक मिडियासंग कुरा गर्दै झाँक्रीले भनिन्–‘बरु, राजनीतिबाट सन्यास लिईन्छ । बरु, आत्महत्या गरिन्छ । हामी हस्ताक्षर फिर्ता लिँदैनौं । हामीबाट राजनीतिमा बेईमानी हुँदैन् । हामीले नेपाली कांग्रेसका सभापति शेरबहादुर देउवालाई समर्थन गर्नुको कारण सिस्टम बचाउनको लागि हो । संविधान र व्यवस्था बचाउनको लागि हो । त्यसैले केपी ओलीले भन्दैमा हस्ताक्षर फिर्ता लिँदैनौं ।’
