आजको बैठकमा अर्थमन्त्री डा. स्वर्णिम वाग्लेले ‘कर्मचारी सञ्चय कोष (दशौँ संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्नेछन्।
त्यस्तै, कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३ माथि विचार गरियोस्’ भन्ने प्रस्ताव प्रतिनिधिसभामा प्रस्तुत गर्ने कार्यसूची रहेको छ।
बैठकमा प्रस्तुत हुने दुवै विधेयकमाथि सांसदहरूले धारणा राख्ने तथा विधेयकलाई अघि बढाउने सम्बन्धमा छलफल हुने अपेक्षा गरिएको छ। संसद्को नियमित कामकारबाहीअन्तर्गत विधेयकमाथिको छलफललाई प्राथमिकताका साथ अघि बढाइनेछ।
यसैबीच, आज सङ्घीय संसद्का विभिन्न छवटा समितिको बैठकसमेत बस्ने भएको छ। ती समितिहरूमा सम्बन्धित विषयमा छलफल तथा निर्णयका लागि बैठक सञ्चालन हुने संसद् सचिवालयले जनाएको छ।
