काठमाडाैँ । नेकपा (एमाले)को केन्द्रीय कमीटी बैठकआज बस्ने भएको छ । हिजो महाधिवेशन आयोजक कमीटीको बैठक बोलाइएको थियो । महाधिवेशन आयोजक कमीटीको त्यस बैठक अन्तिम हुने नेताहरूले बताएका छन । सोही दिन महाधिवेशन आयोजक कमीटी भंग गरी केन्द्रिय कमीटीमा रूपान्तरण गरिएको थियो भने आजका लागि बैठक बोलाइएको छ । जुन बैठक माधवकुमार नेपाल समूहले माग गरे अनुसारको हुने नेताहरूले बताएका छन ।
बैठकमा सबै नेता नवौँ महाधिवेशनबाट निर्वाचित भएको पदीय हैसियतमा सहभागी हुनेछ । यस विषयमा निरन्तर छलफलमा रहेका दोस्रो तहका नेताहरूको सहमतिको आधारमा निर्णय लिएको पाइएको छ । बैठकमा एमालेका तत्कालनी कमीटीका सबै सलस्यले निमन्त्रणा पाउनेछन । तर बैठकमा को को सहभागी हुन्छन भन्ने अझै एकीन हुन सकेको छैन । यद्यपी उक्त वैठकमा माधव नेपाल समूह भनिएका भित्रका पूर्व माले र झलनाथ खनाल समूहका नेताहरू सहभागी हुने तयारी छ ।
बामदेव गौतमले पनि एमालेका पूर्व पदाधिकारीसहितको बैठक राखिए आफू सहभागी हुने सन्देश दिनुभएको बुझिएको छ । उक्त बैठकमा माधव नेपाल पनि वरिष्ठ नेताको हैसियतामा सहभागी हुन पाउनुहुन्छ तर उहाँ सहभागी हुनुहुन्छ कि हुन्न भन्ने अहिलेसम्म एकीन भैसकेको छैन ।
नेपाल समूहकै एक जना नेता एमालेका सचिव योगेश भट्टराइले सोमबारमात्र एक अन्तरवार्तामा महाधिवेशन आयोजक कमीटी भंग हुनेवित्तिकै एमालेको विभाजन टर्ने बताउनुभएको छ । माधव नेपाल भने आफूले कांग्रेस सभापति देउवालाइ धोका दिन नसक्ने भन्दै दिनहुँ पुष्पकमल दाहाल प्रचण्ड र उहाँसँग छलफल र अन्तरक्रियामा रहँदै आउनुभएको छ । धेरैले माधव नेपाल एमालेको साविकको कमीटीको बैठकमा सहभागी हुन जानुहुन्छ कि फेरि पनि देउवा निवास भन्ने प्रश्न गरिरहेका छन ।
यस्तै हीजै एमालेको स्थायी कमीटी बैठक पनि बसेको थियो । प्रधानमन्त्री निवास बालुवाटरमा साँझ ५ बजे बस्ने गरी स्थायी कमीटी बैठक बोलाइएको नेकपा एमालेको केन्द्रीय कार्यालयका सचिव शेरबहादुर तामाङले जानकारी दिएका थिए । यसअघि बसेको स्थायी कमीटी बैठकले महाधिवेशन आयोजक कमीटीको बैठक बोलाएको थियो ।
महाधिवेशन आयोजक कमीटी विघटन गरेर केन्द्रीय कमीटीको बैठक बोलाउने एमालेको तयारी छ । एमालेले पार्टीको आन्तरिक एकताको अन्तिम प्रयास गरिरहेको छ । वरिष्ठ नेता माधवकुमार नेपाल लगायतहरू कांग्रेस र माओवादीका नेतासँग मिलेर एमालेकै विरूद्धमा लागेपछि आन्तरिक एकताका लागि एमालेले अन्तिम प्रयास गर्न लागेको हो ।
