काठमाडौं । भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलले नेपालका लागि चीनका राजदूत Mr. Zhang Maoming सगँ शिष्टाचार भेटघाट गर्नुभएको छ ।
मन्त्रालयमा भएको भेटवार्ताका क्रममा नेपाल–चीन द्विपक्षीय सहयोगका विविध विषयमा छलफल भएको थियो। विशेषगरी चीनको स्वशासित क्षेत्र सिजाङको सरकारको सहयोगमा सञ्चालित Project Aid to Nepal, सिभिल अस्पतालको स्तरोन्नति, उक्त अस्पतालमा क्यान्सर उपाचारका लागि Cart T-cell Laboratory को स्थापना र भूमि प्रशासननको डिजिटल रूपान्तरण (Digitalization of Land Administration) लगायतका द्विपक्षीय सहायताका विषयमा विचार विमर्श गरिएको थियो।
साथै, राजदूत Zhang Maoming ले मन्त्रालयले पहिलो १०० दिनमा गरेका कार्यप्रगतिप्रति प्रशंसा गर्दै सेवा प्रवाहमा सुधार, भूमि प्रशासनको डिजिटल रूपान्तरण तथा सुशासन प्रवर्द्धनका क्षेत्रमा मन्त्रालयले अघि सारेका पहलहरू प्रभावकारी रहेको उल्लेख गर्नुभयो।
सरकार गठनपछि १०० दिनको कामलाई प्राथमिकता दिनुभएकी मन्त्री रावलले पहिलो पटक नेपालका लागि चीनका राजदूत Zhang Maoming सँग शिष्टाचार भेट गर्नुभएको हो।
