पोखरा । गण्डकी प्रदेश सभाको हिउँदे अधिवेशन चैत ८ गते आइतबारदेखि बस्ने भएको छ । मन्त्रिपरिषद् बैठकले अधिवेशन आह्वान गरिदिन प्रदेश प्रमुखलाई सिफारिस गरेको हो । प्रदेश प्रमुख डिल्लीराज भट्टले अधिवेशन आह्वान गरिसकेका छन् ।
प्रदेश सभा बैठक कृषि, भूमि व्यवस्था तथा सहकारी मन्त्रालयको सभाहल मालेपाटनमा बस्नेछ । गण्डकी प्रदेश सभा सचिवालयले सूचना जारी गरी बैठकबारे जानकारी दिएको हो । यसअघि पनि यही ठाउँमा बैठक बसेको थियो ।
नदीपुरमा रहेको प्रदेश सभा भवन जेनजी आन्दोलनका क्रममा जलेपछि साँघुरो ठाउँमा बैठक बस्न बाध्य छ । संसद सभा सचिवालय भने पशुपंक्षी तथा मत्स्य विकास निर्देशनालय भएको ठाउँमा सारिएको छ । समितिका बैठकहरू सोही कार्यालयबाट हुँदै आएका छन् ।
