काठमाडौं । नेकपा (एमाले)का नेता तथा पूर्व सांसद विशाल भट्टराईले संविधानको पुनरावलोकन गर्नुपर्ने आवश्यकता रहेको बताएका छन्।
काठमाडौंमा आयोजित टेलिभिजन कार्यक्रम ‘सद्गमय सिजन २’ को समापन समारोहलाई सम्बोधन गर्दै नेता भट्टराईले संविधान निर्माण भएको एक दशक पुगिसकेको उल्लेख गर्दै समीक्षा गर्न सुझाव दिएका हुन्।
भट्टराईले संविधाना नै प्रत्येक दश वर्षमा संविधानको पुनरावलोकन गर्न सकिने व्यवस्था रहेको हुँदा यसको लागि राजनीतिक दलहरू अग्रसर हुनुपर्नेमा उनले जाेड दिए । नेता भट्टराईले जनताबाट आलोचना भएको विषयलाई राजनीतिक दलहरूले गम्भीरतापूर्वक लिँदै संविधानलाई आवश्यक पुनरावलोकन गर्नुपर्ने बताए ।
सरकारमा रहेका दलहरूसँग दुई तिहाई नपुगेको खण्डमा राष्ट्रको आवश्यकता र जनताका मुद्दामा प्रतिपक्षी दलहरूले साथ दिनुपर्ने हुन्छ तर अहिलेकाे सरकारमा सहभागी सांसद संख्याकाे हिसाब बहुमत पुग्ने रहेकाेले संविधान अहिले नै संशोधन गर्न सक्ने बताए।
समापन समारोहमा बोल्दै सञ्चारकर्मी टिकाराम यात्रीले कार्यक्रमले देशको समग्र क्षेत्रमा रहेका बेथिति र समस्याहरूको समाधान पनि दिन सकेको आफूले ठानेको बताएका थिए ।
कार्यक्रमले जलावायु परिवर्तनका मुद्दादेखि लिएर आजको वर्तमान मात्र नभई भविष्यसम्मको उन्नती, प्रगति र पर्यावरणीय क्षेत्रमा पर्ने प्रभावका विषयमा समेत कार्यक्रमले सकारात्मक प्रभाव पार्न सकेको बताए।
कार्यक्रमले राजनीतिक नेतृत्वदेखि अन्य विकास निर्माणका क्षेत्रमा समेत सकारात्मक प्रभाव पार्न सफल भएको यात्रीकाे भनाई थियाे।
