काठमाडौं । जेठ १५ गते हुने राजावादी संगठन र राप्रपालगायतका दलले गर्ने आन्दोलनमा फिल्डमा खटिएका सुरक्षा अधिकारीलाई गोली हान्नेसम्मको अधिकार प्रदान गरिएको छ।
आन्दोलन हिंसात्मक बनेको कारण खुलाउन सक्ने त्यत्तिसम्मको अधिकार प्रदान गरिएको उच्च स्रोतले जनायो। केन्द्रीय सुरक्षा समितिको बैठकले मंगलबार यतिसम्मको अधिकार दिएको हो।
प्रदर्शनको सुरक्षा कमान्ड उपत्यका प्रहरी कार्यालय रानीपोखरीले गरेको छ। रानीपोखरी माथहत काठमाडौं र ललितपुरका विभिन्न प्रहरी युनिट परिचालन हुनेछन्।
सुरक्षा समितिको बैठकमा आन्दोलन ठूलो नभए पनि हिंसात्मक हुन सक्ने रिपोर्टिङ भएको थियो।
जिल्ला प्रशासन कार्यालय काठमाडौंले राजावादी आन्दोलनका लागि रिङ रोडबाहिर मात्र स्थान दिने तयारी गरेको छ। रिङ रोडभित्र नदिने रणनीतिमा प्रशासन कार्यालय रहेको छ।
