ललितपुर । गंगानारायण श्रेष्ठको नेतृत्वमा रहेको नेपाल समाजवादी पार्टी नेकपा (माओवादी केन्द्र)मा समायोजन भएको छ। ललितपुरमा आयोजित विशेष समायोजन कार्यक्रममा उक्त निर्णय औपचारिक रूपमा सार्वजनिक गरिएको हो।
कार्यक्रममा माओवादी केन्द्रका शीर्ष नेताहरूको उपस्थिति रहेको थियो। गंगानारायण श्रेष्ठले देशमा समावेशी लोकतन्त्र, समाजवाद र जनताको अधिकार सुनिश्चित गर्न माओवादी केन्द्रसँग सहकार्य आवश्यक देखिएको बताए।
यस समायोजनले वाम आन्दोलनलाई अझ सशक्त बनाउने माओवादी केन्द्रको विश्वास छ। पार्टी एकताले स्थानीयदेखि राष्ट्रिय तहसम्म सशक्त राजनीतिक प्रभाव पार्ने अपेक्षा गरिएको छ।
