काठमाडौं । नागढुंगा बचत तथा ऋण सहकारीमा पाँचकरोड माथी हिनामिना गरेकाहरुलाई पक्राउ पुर्जी जारी भएपछी दीर्घनारायण शर्मा र अनिल बहादुर थापा पक्राउ परेका छन्। अध्यक्ष गिरिनारायण श्रेष्ठ र बाँकी २१ जना फरार भएको बताईएको छ।
सहकारी हिनामिनामा गिरीनारायण श्रेष्ठ र दीर्घनारायण शर्मा र अनिल बहादुर थापाको मुख्य योजना रहेको बताईएको छ।
सहकारी हिनामिना संलग्नका फरारहरुमा कार्कीनेटाका एक वडा सदस्य ढाकाराम शर्मा र थापाठानाका एक वडा सदस्य बिष्णुमाया थापा रहेको र अध्यक्ष गिरीनारायण श्रेष्ठ सहित २१ जना फरार रहेको बताईएको छ।
फरार हुनेहरुमा -ढाकाराम शर्मा प्रकाश श्रेष्ठ, नारायण प्रसाद पौडेल, रुद्रमणि शर्मा काँशिराम शर्मा, बेदांगभक्त उपाध्याय, गोमा भण्डारी, ओम बहादुर भण्डारी, ओम प्रसाद शर्मा, कमलादेवी श्रेष्ठ, थमनारायण श्रेष्ठ, विष्णुमाया थापा, धनन्जय सुबेदी, हेमराज सापकोटा, सरस्वती कुमारी शर्मा, हीरा जिसी, तथा ऋण समितिका पदाधिकारीहरु तिलकान्त शर्मा, अर्जुन प्रसाद सुबेदी, छबिलाल सुबेदी पनी रहेको बताईएको छ।
जी. प्र. का. पर्वतले सहकारी पीडितहरुलाई प्रमाण सहित आवेदन पेश गर्न भनेको छ भने, पीडितहरु आफुले दुःख सहेर खेती किसानी काम गरेर अलीअली कमाएको बचत रकम नपाऊँदा आक्रोशित भएका छन्।
