झापा । स्वर्णलक्ष्मी बचत तथा ऋण सहकारीको १५ औ वार्षिक साधारणसभा सप्पन्न भएको छ । दमकमा मुख्य कार्यालय रहेको स्वर्णलक्ष्मी साकोसले दमक नगरपालिका वडा नं. ८ स्थित कस्मिक पार्टी प्यालेसमा संस्थाको १५ औ वार्षिक साधारण सभा समापन गरेको हाे ।
मुलुकभर ११२ वटा देशले सहकारी सञ्चालन गरिरहेको र सबै देशहरुमा सहकारीको माध्यमबाट सेयर सदस्यले लाभ लिइरहेको स्मरण गराउदै नेपालमा ७४ लाख मानिस सहकारीमा संगठित भएको र त्यसमध्ये ५६ लाख महिला सहभागी भएको कार्यक्रमका प्रमुख अतिथि तथा राष्ट्रिय सहकारी संघका बरिष्ठ उपाध्यक्ष रमेश पोखरेलले बताउनुभयो ।
सहकारीहरु एक्लै हिडेर गन्तव्यमा पुग्न नसकिने अवस्था आएकाले अब मर्च गर्नुको विकल्प नरहेको कार्यक्रमकि विशेष अतिथि तथा दमक नगरपालिकाकी उपमेयर रेगिना भट्टराई प्रसाईले बताउनुभयो ।
बार्षिकोत्सवको अवसरमा सहकारी क्षेत्रमा निरन्तर कलम चलाउनु भएका स्वर्णलक्ष्मी पत्रकारिता पुरुस्कार बाट झापा दमकका पत्रकार बिष्णुप्रसाद पोखरेललाई नगद् १० हजार , दोसल्ला ओढाएर सम्मान पत्र सहित सम्मान गरिएको थियो ।
कार्यक्रममा पूर्वसञ्चालकहरु, शेयर सदस्यका छोराछोरी जसले एसइइमा उत्कृष्ट अंक ल्याउन सफल भएका मध्येबाट छानेर युमा सुवेदीलाई सम्मान गरिएकाे थियो भने संस्थाका विभिन्न तहका दर्जनबढी कर्मचारीहरुलाई पनि नगदसहित सम्मान गरिएकाे कोषाध्यक्ष चन्द्रमाया निरौलाले जानकारी दिनुभएकाे थियोे ।
दमकमा सञ्चालित सहकारीहरुबाट मात्रै २० करोड वढी कर र राजश्वका नाममा सरकारलाई तिरिरहेको भएपनि सरकारले सहकारीमाथिको सुरक्षा भने गर्न नसकेको जिल्ला सहकारी संघ झापाका लेखा संयोजक चुडामणी ओझाले बताउनुभयो । एक दुई जना फटाहा र लोभीपापी मनसाय भएकाहरु सहकारीमा पसेर दुषित बनाएपनि सबै सहकारीलाई एउटै टोकरीमा हालेर हेर्न नमिल्ने डाँफे बचत तथा ऋण सहकारी संस्थाका अध्यक्ष तुलाराम न्यौपानेले बताउनुभयो ।
संस्थाका अध्यक्ष बुद्धिसागर बरालले साधारण सभामा संस्थाको प्रतिवेदन प्रस्तुत गरेका थिए भने कार्यक्रमको सञ्चालन संस्थाका व्यवस्थापक कमलकुमार घिमिरेले गरनुभएकाे थियोे । कार्यक्रममा सूर्य दर्शन बचत तथा ऋण सहकारीका बजार विभाग प्रमुख राजकुमार खड्का, जीवनचक्र समाजका अध्यक्ष गणेश गौतम, डाँफे सहकारीका सल्लाहकार विजय बराल लगायत विभिन्न संघ संस्थाहरुका प्रतिनिधीहरु सञ्चारकर्मी तथा सेयर सदस्यहरुको उपस्थिति रहेको थियो ।
