ललितपुर। व्यवसायी उपेन्द्र महतो पूर्ण लगानि रहेकाे नेवालकै एक अन्तराष्ट्रिय स्तरकाे भनिएकाे मेडिसिटी अस्पताल बिक्रीको तयारीमा लागेका छन्। महतोले मेडिसिटी अस्पताल बिक्रीका लागि भारतीय उद्योगपतिहरूसँग गरिरहेको डिल अन्तिम चरणमा पुगेको श्राेतले बताएकाे छ।
हाल अस्पतामा कार्यरत विभिन्न डिपार्टका मजदुरहरुलाई पारिश्रमिक समेत समयमा दिन नसक्ने अवस्थामा पुगेकाे मेडिसिटि अस्पतालमा उपचारका लागि आयको सेवाग्राहिलाइ आवस्यक मेडिसियन समेत बाहिरबाट किनाउन बाध्य बनिरहेकाे अवस्थामा छ, श्राेत बताउँछ ।
झन्डै ८ अर्ब रुपैयाँ लगानी रहेको नेपाल मेडिसिटी अस्पताल बिक्रीको तयारीमा महतो लागिरहेका छन्। अस्पताल मासिक करोडाैँ रुपैयाँसम्म घाटामा जान थालेपछि महतोले अस्पताल बिक्रीको प्रयास गरिरहेका हुन्।
भीआईपीहरू भारतसहित विभिन्न देशमा उपचारमा जाने क्रम रोक्न संसारमा भएका हरेक सुविधा दिने घोषणासहित महतोले अस्पताल सञ्चालनमा ल्याएका थिए। निजी क्षेत्रकै सबैभन्दा ठूलो लगानी गरेर अन्तर्राष्ट्रिय सुविधासहितको अस्पताल सुरु गरेका महताले अहिले बिक्रीको तयारी गरेका हुन्।
अन्तर्राष्ट्रिय मापदण्डको सेवासहित ७५० बेडको मेडिसिटी अस्पताल २०७४ असोजबाट सुरु भएको थियो। गैरआवासीय नेपाली संघका पूर्वअध्यक्षसमेत रहेका महतोले सञ्चालनमा आएको ८ वर्षपछि अस्पताल बिक्रीका लागि दौडधुप बढाएका हुन्। जसका लागि भारतीय बहुराष्ट्रिय कम्पनीहरूसँग बिक्रीको कुराकानी गरिएको जनाइएकाे छ।
भारतीय कम्पनी टाटासहित केही कम्पनीसँग महतोले अन्तिम ‘डिल’ गरेर सम्झौताको तयारी गरेका छन्।
७५० बेडको मेडिसिटीमा न्युरो साइन्सेज, कार्डियाक, ग्यास्ट्रो, रिनल, अर्थो एन्ड स्पोर्टस् मेडिसिन तथा अंकोलोजी सेन्टर अफ एक्सलेन्सका फरक विभाग स्थापना गरी सेवा सुरु गरिएको थियो।
विश्वबाटै नेपालमा बिरामीको उपचार गर्ने ‘हव’ बनाउने घोषणा गरेका महतोले अहिले अस्पताल बिक्री गर्न लागेका हुन्।
अस्पतालसँगै बैंक, जलविद्युत, टेलिकमलगायत क्षेत्रमा अर्बौं लगानी गरेका महतो पछिल्ला वर्षहरूमा आर्थिक संकटमा रहेका छन्। विगतमा मेरो मोबाइल, युटिएलमा लगानी गरेका महतोले पतञ्जलीमा समेत लगानी गरेका थिए। तर लगभग सबै व्यवसाय अहिले महतोको हातबाट फुत्किँदै गएको जानकारहरु बताउँछन्।
पछिल्लो समय मेडिसिटी अस्पतालमा लगानी गरेर चर्चामा आएका महतोले अस्पताल पनि बिक्री गर्न लागेका छन्। ‘भारतीय कम्पनीको टाटा कम्पनीसँग अन्तिम डिल जारी रहेको छ,’ स्रोतले भन्यो। सम्भवतः ८ देखि १० अर्ब रुपैयाँमा अस्पताल बिक्रीको सम्झौता हुने स्रोतले जानकारी दिएको छ।
महतोले एकपछि अर्को व्यवसाय संकटमा परेपछि सानिमा बैंकको सेयरसमेत बिक्री गरेका थिए। गत सातामात्रै माछापुच्छ्रे बैंकको अध्यक्षबाट पनि उनी हटेका थिए।
