खोटाङ । खोटाङको हलेसी तुवाचुङ नगरपालिकाले रुकुम पश्चिम र जमजरकाेटका भूकम्प पीडितहरुका लागि आर्थिक सहयोग गरेको छ ।
उक्त नगरका जनप्रतिनिधि, कर्मचारी तथा शिक्षकहरुको दुई दिनको सेवा सुविधा तथा तलब भत्ता कट्टा गरी भूकम्प पिडितका लागि सहयाेग स्वरुप प्रधानमन्त्री दैवी प्रकोप उद्धार कोषमा ११ लाख ५१ हजार १०० रुपैयाँ सहयोग पठाएको नगर प्रमुख विमला राईले बताउनुभयो ।
हिजाे आईतबार बसेको कार्यपालिकाको बैठकले उक्त सहयाेग पठाउने निर्णय गरेको थियो। भूकम्पका कारण मृत्यु भएका जाजरकाेट र रुकुम पश्चिमका नागरिकप्रति हलेसी तुवाचुङ नगरपालिकाले श्रद्धाञ्जली व्यक्त गर्दै शोकसन्तप्त परिवारजनमा गहिरो समवेदना र घाईतेहरुको शिघ्र स्वास्थ्यलाभको कामना समेत गरेको छ ।
शुक्रबार राति गयकाे भुकम्पकाे कारण जाजरकोटको रामीडाँडा केन्द्रविन्दु भएर ६.४ म्याग्निच्युडको भूकम्प गएको थियो । भूकम्पबाट हालसम्म १५७ जनाको मृत्यु भएको छ । २४६ जना घाईते भएका छन् । घाइतेहरुकाे राजधानि लगायत विभिन्न अस्पतालहरुमा उपचार भइरहेकाे छ ।
