खोटाङ । खोटाङको आर्थिक वर्ष २०७९/८० पुँजीगत खर्च ९४.६ प्रतिशत भएको छ ।
आर्थिक वर्ष २०७९/८० को पुँजीगतगत तर्फ १ अर्व ५२ करोड ५७ लाख ४ हजार ४६ रुपैँया र चालू तर्फ ६ अर्व २४ करोड १० लाख ७० हजार २ सय १८ रुपैँया बजेट बिनियोजन भएको छ ।
आर्थिक वर्षको पुँजीगत तर्फ खर्च १ अर्व ४३ करोड ५१ लाख १३ हजार ८१ रुपैयाँ ९६ पैसा खर्च भएको छ । जम्मा खर्च मध्ये असारमा मात्रै ६८ करोड ७ लाख १६ हजार २ सय २४ रुपैयाँ ३ पैसा खर्च भएको कोष तथा लेखा नियन्त्रण कार्यालय खोटाङका लेखापाल बिदुर प्रसाद सुबेदीले बताए ।
अघिल्लो आव २०७८/ ७९ मा पुँजीगत खर्च ६७ करोड ६४ लाख ३७ हजार १९६ रुपैँया १ पैँसा खर्च भएको छ । चालू बजेट ६ अर्ब २० करोड ३० लाख ५३ हजार ७० रुपैँया बजेट मध्ये ६ अर्व ५ करोड १९ लाख ७६ हजार ३१७ रुपैँया २९ पैसा खर्च भएको थियो ।
यस्तै प्रदेश तर्फ २०७९/८० को पुँजीगत गत खर्च ८७.१६ प्रतिशत भएको छ । चालू तर्फ ४३ करोड ८० लाख ३५ हजार ७सय ९६ रुपैँया ६ पैँसा र पुँजीगत तर्फ ६५ करोड १८ लाख ६८ हजार ७ सय ४४ रुपैँया ५३ पैँसा खर्च भएको छ ।
जसमा चालू तर्फ ५० करोड ७४ लाख २७ हजार ६ सय ७६ रुपैँया र पुँजीगत तर्फ ७४ करोड ७८ लाख ६६ हजार बजेट बिनियोजन भएको छ ।
अघिल्लो आव २०७८/७९को प्रदेशको पुँजीगत ८३.४ प्रतिशत खर्च भएको थियो । अघिल्लो आवको चालू तर्फ खर्च ५३ करोड ६९ लाख १० हजार र पुँजीगत तर्फ ७२ करोड २९ लाख ८ हजार बजेट बिनियोजन भएको थियो ।
चालू तर्फ ४८ करोड ९५ लाख २४ हजार २ सय ५५रुपैँया १ पैसा खर्च र पुँजीगत तर्फ ६० करोड २९ लाख ४९ हजार ३सय ९८ रुपैँया २५ पैसा खर्च भएको थियो ।
त्यस्तै राजस्व संकलन पनि अघिल्लो आर्थिक बर्ष भन्दा बढेको छ । आर्थिक बर्ष २०७८/७९ मा ५० करोड ८३ लाख १५ हजार ९ सय ३८ रुपैयाँ १७ पैसा राजस्व संकलन भएको थियो भने आव २०७९/८० मा ६१ करोड ५८ लाख ३० हजार २ सय १६ रुपैयाँ ४० पैसा राजस्व संकलन भएको छ । यो बर्ष अघिल्लो आव भन्दा १ करोड ७५ लाख १४ हजार २ सय ७८ रुपैयाँ ३० पैसा राजस्व बढेको छ ।
यस्तै प्रदेश तर्फ अघिल्लो आव २०७८/७९ मा ४९ लाख १३ हजार ६ सय रुपैयाँ राजस्व संकलन भएको थियो भने आव २०७९/८० मा १ करोड २६ लाख १२ हजार ९ सय १० राजस्व संकलन भएको छ ।
जुन अघिल्लो आवको भन्दा ७६ लाख ९९ सय हजार ३ सय १० रुपैँया राजस्व बढेको कोष तथा लेखा नियन्त्रण कार्यालय खोटाङले जनाएको छ ।
