खोटाङ । खोटाङको दिप्रुङ चुईचुम्मा गाउँपालिककाे कारयपालिका निर्वाचनमा नेकपा एमालेको प्यानल विजयी भएका छन् । आज भएको निर्वाचनमा एमालेको ६ जना उम्मेदवार विजयी भएका हुन् ।
निर्वाचन परिणाम अनुसार अल्पसंख्यकमा वडा नं ४ वतासेका सुव्बा माझि, दलित महिला सदस्यमा वडा नं १ याम्खाका कला परियार, निर्वाचित महिलाबाट वडा नं ४ बतासेका निर्मला श्रेष्ठ(माकाजु), वडा नं ५ सप्तेश्वर छितापोखरीबाट विमला परियार, वडा नं ६ छितापोखरीबाट स्वस्तीका भुजेल र वडा नं ३ छोरम्वुबाट कुष्णकुमारी राई निर्वाचित भएका हुन् ।
यहि बैशाख ३० गते सम्पन्न स्थानीय तह निर्वाचनमा दिप्रुङ चुईचुम्मा गाउँपालिकामा ३७ जनप्रतिनिधि निर्वाचित भएका थिए । निर्वाचित प्रतिनिधिहरुले आज कार्यपालिकामा मतदान गरेका थिए । मतदानमा एमालेको पक्षमा २० मत खसेको थियो भने गठवन्धनको पक्षमा १६ मत खसेको र एक मत बदर भएकाे जिल्ला सम्वनय समिति सदस्य चर्च बहादुर विश्वकर्माले बताए।
