काठमाडौं । बलात्कार पीडित युवतीका लागि न्याय माग्दै काठमाडौंमा प्रदर्शन भएको छ । एक युवतीले सौन्दर्य प्रतियोगिताका आयोजकले आठ वर्षअघि आफूमाथि यौन हिंसा भएको घटना सामाजिक सञ्जालमार्फत् सार्वजनिक गरेपछि पीडकलाई कारबाही गर्न माग गर्दै शनिबार माइतीघर मण्डलामा प्रदर्शन भएको हो ।
प्रदर्शनकारीले ‘बलात्कारी होस तँ’ लगायतका नारा लेखिएको प्लेकार्डसहित प्रदर्शन गरेका हुन् । उनीहरुले बलात्कार घटनाका पीडित युवतीलाई न्याय दिलाउन सहयोग गर्न सबैसँग अपिलसमेत गरेका छन् ।
उनीहरूले दोषीलाई कारबाही गर्नुपर्ने र बलात्कार र यौनजन्य घटनाको तत्काल निर्णय गर्न छुट्टै अदालतको स्थापना गर्न, बलात्कार सम्बन्धी घटनाको न्याय निरुपणका लागि देखिएको हदम्याद खारेज गर्न माग गरेका छन् । यस्तै, उनीहरुले शुक्रबार पनि प्रधानमन्त्री निवास बालुवाटार अगाडि प्रर्दशन गरेका थिए ।
