खाेटाङ। खोटाङको दिक्तेल रुपाकोट मझुवागढी नगरपालिकामा गठबन्धनका उम्मेदवार विजयी भएका छन्।
गठबन्धनको तर्फबाट नेपाली कांग्रेसको मेयरका उम्मेदवार तीर्थराज भट्टराई र नेकपा (माओवादी केन्द्र) का उपमेयरका उम्मेदवार विसन राई विजयी भएका हुन।
भट्टराईले एमालेका उम्मेदवार कुमार आचार्यलाई पराजित गरेका हुन्। भट्टराईले ११ हजार ३८९ र आचार्यले ६ हजार ९९६ मत प्राप्त गरेका मुख्य निर्वाचन अधिकृतको कार्यालयले जनाएको छ।
यस्तै, उपमेयर निर्वाचित राईले १० हजार ४३८ मत प्राप्त गरेका छन्। उनका निकटतम प्रतिद्वन्द्वी एमालेकी विणादेवी राईले सात हजार ३१९ मत प्राप्त गरेकी छिन्।
२०७४ सालको स्थानीय तहमा दिक्तेल रुपाकोट मझुवागढी नगरपालिकामा एमाले विजयी भएको थियो। विणादेवी निवर्तमान उपमेयर हुन्।
https://www.himalkhabar.com/news/129994
