खोटाङ । खोटाङको हलेसी तुवाचुङ नगरपालिकामा नेपाली कांग्रेसका बिमला राईले अग्रता कायमा राखेका छन् । नगरका सातवटा वडाको अन्तिम मत परिणामअनुसार राईले ३४५ मतले अग्रता लिएका हुन् ।
राईलाई निकटतम प्रतिद्वन्द्वी एमालेका उम्मेदवार खडेन्द्र राईले पछ्याइरहेका छन् । जनता समाजवादी पार्टीका अन्जिलहाङ राई र माओवादी केन्द्रतर्फ मेयरकी उम्मेदवार रुशिका राई क्रमशः तेस्रो र चौथो स्थानमा रहेका छन् ।
यस्तै हलेसी तुवाचुङ नगरपालिका काँग्रेसतर्फ उपमेयरका उम्मेदवार रमेश राउतको अग्रता कायमै रहेको छ भने माओवादी केन्द्रका अमेम्बर राईले राउतलाई पछ्याइरहेका छन् । त्यस्तै, एमालेतर्फ उपमेयरका उम्मेदवार तुलसा बुढाथोकीको समेत ४०० भन्दा बढी मत खसेको छ ।
हलेसी तुवाचुङ नगरपालिकाका वडा नम्बर १, २, ३, ४, ९, १० र ११ को मत परिणाम सार्वजनिक भइसकेको छ । मत परिणामअनुसार वडा नम्बर १, २, ३ र ४ मा क्रमशः रुद्र राई, देवेन्द्र राई, भूपालसिं राई र किशोरकुमार बस्नेत विजयी भएका हुन् ।
निर्वाचित चारैजना नेपाली काँग्रेससम्बद्ध हुन् । वडा नम्बर १० र ११ मा अनिष कार्की र अर्जुन पुरी निर्वाचित भएका छन् । कार्की र पुरी एमालेसम्बद्ध हुन् । अहिले नगरका वडा नम्बर ५ र ८ को मतगणना जारी छ ।
