काठमाडौ । खोटाङको साविकको सदरमुकाममा रहेको दिक्तेल रुपाकोट मझुवागढी नगरपालिकामा गठबन्धनका उम्मेदवारलाई एमालेले पछि पारेको छ ।
वडा नं. १ बाट सुरु गरिएको मतगणनाको प्रारम्भिक नतिजामा नेकपा (एमाले) का मेयर पदका उम्मेदवार कुमार आचार्यले १८ मत ल्याउएका छन् ।
पाँच दलीय गठबन्धनबाट नेपाली कांग्रेसका प्रतिस्पर्धी तिर्थराज भट्टराईले १२ मत प्राप्त गरेका छन्।यसैगरी उपमेयरमा नेकपा (एमाले) का विणादेवी राईले अग्रता लिएकी छिन् । उनले १४ मत ल्याए सगैँ नेकपा माओवादी केन्द्रका विसन राईले १३ मत ल्याएका छन् ।
त्यस्तौ, वडा अध्यक्षमा भने नेपाली कांग्रेसले अग्रता लिएको छ । कांग्रेसका उम्मेदवार नवराज राईले १९ मत ल्याउँदा नेकपा (एमाले) का गोपालचन्द्र आचार्यलाई ११ मत प्राप्त गरेका छन् ।
भरतपुर महानगरपालिकामा एमालेका सुवेदीको सुरुआती अग्रता
भरतपुर महानगरपालिकाको प्रमुखमा नेकपा एमालेका विजय सुवेदीले सुरुआती अग्रता लिएका छन्। आज दिउँसोबाट सुरु गरिएको मतगणनामा सुवेदीले ४१ मत प्राप्त गरेका छन्। यस्तै बामलोकतान्त्रिक गठबन्धनबाट प्रमुखको उम्मेदवार रहेकी रेनु दाहालले ३७ मत प्राप्त गरेकी छिन्। भने,स्वतन्त्र उम्मेदवार जगन्नाथ पौडेलले भने आठ मत प्राप्त गरेको मुख्य निर्वाचन अधिकृतको कार्यालयले जनाएको छ ।
आज अपराह्न ३ बजेसम्म गनिएका एक सय मतमा यो परिणाम आएको हो । यस्तै उपप्रमुखमा गठबन्धनका तर्फबाट नेपाली कांग्रेसका उम्मेदवार चित्रसेन अधिकारीले ३९ र राप्रपाकी हिमला गुरुङले ३५ मत प्राप्त गरेका छन्। यस्तै वडाध्यक्षमा नेकपा एमालेका शुक्र श्रेष्ठले ४२ मत र नेपाली कांग्रेसका केशव महर्जनले २९ मत प्राप्त गरेका छन् । भने, भरतपुर महानगरपालिकामा एक लाख २७ हजार ८३९ मत खसेको छ ।
