काठमाडौं । देशभर स्थानीय तह निर्वाचन अन्र्तगत मतदान जारी छ । सर्वसाधारदेखी उच्च राजनीतिक पदस्थले मतदान गर्ने क्रम जारी छ ।
सभामुखदेखी राजनीतिक दलक प्रमुख र शीर्ष नेताले मतदान गरेका छन् । तर, प्रधानमन्त्री शेरबहादुर देउवा र एमाले अध्यक्ष केपी शर्मा ओलीले भने मतदान गरेका छैनन् । केही बेरमा प्रधानमन्त्री देउवा र एमाले अध्यक्ष ओलीले मतदान गर्दैछन् ।
सभामुख अग्नि सापकोटाले गृह जिल्ला सिन्धुपाल्चोकको चौतारा साँगाचोकगढी नगरपालिका वडा नं. ४ कुविण्डेस्थित सेतीदेवी पञ्चकन्या माध्यमिक विद्यालयमा रहेको केन्द्रबाट मतदान गरेका छन् ।
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले गृह जिल्ला चितवनको भरतपुर महानगरपालिका–१४ मा रहेको मतदान केन्द्रबाट मतदान छ ।
नेकपा एकीकृत समाजवादीका अध्यक्ष तथा पूर्वप्रधानमन्त्री माधवकुमार नेपालले रौतहटको गौरस्थित रामजनकी कन्या विद्यालयबाट मतदान गरेका छन् ।
पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष डा. बाबुराम भट्टराईले गोरखाको पालुङटार नगरपालिका–१, खोप्लाङस्थि अन्नपूर्ण मावि मदतान केन्द्रबाट मतदान गरेका छन् ।
पूर्वसभामुख तथा नेकपा माओवादी केन्द्रका प्रवक्ता कृष्णबहादुर महराले रोल्पाको रोल्पा नगरपालिका–१ नम्बर वडामा रहेको तारा मा.बि.मा मतदान गरेका हुन् ।
मन्त्रिपरिषद्का पूर्वअध्यक्ष खिलराज रेग्मीले काठमाडौँको मध्यबानेश्वरस्थित सानो गौचरन हाइटमा रहेको मतदान केन्द्रबाट मतदान गरेका छन् ।
नेपाली कांग्रेसका वरिष्ठ नेता रामचन्द्र पौडेलले तनहुँको व्यास नगरपालिका–२ सत्यवती माध्यामिक विद्यालयको मतदान केन्द्र ‘ख’ मा मतदान गरेका छन् ।
नेकपा माओवादी केन्द्रका नेता वर्षमान पुन र पूर्वसभामुख ओनसरी घर्तीले गृहजिला रोल्पाको रोलपा नगरपालिका–७ माडीचौरस्थित बालउदय मावि केन्द्रबाट मतदान गरेका छन ।
गृहमन्त्री बालकृष्ण खाँणले रुपन्देहीको तिलोत्तमा–८ स्थित ज्योति आधारभूत विद्यालय मतदान केन्द्रबाट मतदान गरेका छन् ।
अर्थमन्त्री जनार्दन शर्माले रुकुम पश्चिमस्थित मुसीकोटबाट मतदान गरेका छन् ।
प्रमुख निर्वाचन आयुक्त दिनेशकुरमा थपलियाले भक्तपुरको मध्यपुर थिमि नगरपालिका–१ स्थित उपस्वास्थ्य चौकीमा रहेको मतदान केन्द्रबाट मतदान गरेका छन् ।
नेपाल मजदुर किसान पार्टीका अध्यक्ष नारायणमान बिजुक्छेले भक्तपुर नगरपालिका–५ साकोठास्थित विद्यार्थी निकेतन माविको मतदान केन्द्रबाट मतदान गरेका छन् ।
