चितवन । भरतपुर महानगरपालिकामा मेयरमा नेपाली कांग्रेसबाट बागी उम्मेदवारी दिएका जगन्नाथ पौडेलले उम्मेदवारी कायमै राखेका छन् । आज साँझ ५ बजेसम्म नाम फिर्ता दिन समावधि निर्धारण गरिएको भएपनि पौडेलले सो अवधिमा उम्मेदवारी फिर्ता नगरेका हुन् ।
कांग्रेसका चितवन जिल्ला सभापति राजेश्वर खनालले पौडेलको उम्मेदवारी फिर्ताका लागि ३ दिनदेखि प्रयास गरेका थिए । तर आफ्नो प्रयासमा आफू असफल भएको उनको भनाइ छ । भरतपुरमा गठबन्धनका उम्मेदवार रेणु दाहाललाई सघाउने काग्रेसको निर्णय छ ।
उता, पोखरा महानगरमा भने कांग्रेसका दुई बागी उम्मेदवारले उम्मेदवारी फिर्ता लिएका छन् । पोखरा महानगरमा नन्दप्रसाद तिवारी र ऋषि सापकोटाले मेयर पदको उम्मेदवारी फिर्ता लिएका हुन् ।
