काठमाडौँ । आगामि बैशाष ३०मा हुने स्थानीय तह निर्वाचन अन्तर्गत आज उम्मेदवारहरूले नाम फिर्ता लिने अन्तिम दिन हो । नाम फिर्ता लिन चाहनेहरू बेलुकी ५ बजेसम्म निर्वाचन अधिकृतको कार्यालयमा गएर फिर्ता लिन सकिने आयोगले जनाएको छ ।
त्यसपछि मात्र निर्वाचन आयोगले अन्तिम नामावली प्रकाशन गर्नेछ बताएकाेछ । भने, राजनीतिक दलहरूले आफ्बाना पार्गीटीका उम्मेदवारी दिने नेताहरूलाई उमेदवारी फिर्ता लिन दबाब दिँदै आइरहेका छन् ।
देसकाे प्रधानमन्त्री समेत रहेका नेपाली कांग्रेस सभापति शेरबहादुर देउवाले हिजाे बिहीबार अपिल जारी गर्दै बागी उम्मेदवारी फिर्ता लिएर आधिकारिक उम्मेदवारलाई निर्वाचनमा सहयोग गर्न आग्रह समेत गरेका छन् ।
यस्तै,बिपक्षि दलका नेता तथा नेकपा एमालेका अध्यक्ष केपी शर्मा ओलीले पनि आफ्ना पर्टिका बागि उम्मेदवारी दिएका नेताहरूलाई फिर्ता लिएर आधिकारिक उम्मेदवारलाई निर्वाचनमा जिताउन आग्रह गरेका छन् ।
उता, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले पनि ललितपुरलगायत जिल्लाका नेताहरूलाई टेलि फोन गरेर बागी उम्मेदवारी फिर्ता लिन र तालमेलको मर्म बुझिदिन अपिल गरि सकेका छन् ।
पार्टीले तय गरेका उम्मेदवारप्रति असन्तुष्ट जनाउँदै ठाउँठाउँमा सत्ता गठबन्धनदेखि विपक्षी दल एमालेसहित दलका स्थानीय नेता तथा कार्यकर्ताहरूले ११ र १२ वैशाखमा आधिकारिक उम्मेदवारको विरुद्धमा बागी उम्मेदवारी दिएका थिए ।
यसरी बागि उमेदवारी गर्दा आधिकारिक उम्मेदवारलाई जिताउन चुनौती हुने दलहरूको ठम्याइ रहेकाे छ । सोही कारण सम्बन्धित दलका नेताहरूले बागी उम्मेदवारी दिएकाहरूलाई फिर्ता लिन दबाब दिइरहेका हुन् ।
निर्वाचन आयोगका प्रवक्ता शालिग्राम शर्मा पौडेलले तोकिएको अवधिमा फिर्ता लिनेबाहेकका अन्तिम नामावली आज शुक्रबार नै प्रकाशन गरिने बताए । त्यसपछि शनिबार भने उनीहरूले निर्वाचन चिह्न नै प्रदान गरिने जानकारी दिए । file photo
