खोटाङ। खोटाङस्थित दिप्रुङ चुइचुम्मा गाउँपालिका प्रमुख एवम् नेपाली काँग्रेस- १ का समितिका महामन्त्री भूपेन्द्र राईले प्रधानमन्त्री देउवा समक्ष जिल्लाको समग्र विकासका लागि पाँच बुँदे मागपत्र पेश गरेका छन् । सोमबार दिक्तेल रुपाकोट मझुवागढी नगरपालिका-४ खाल्ले र दिप्रुङ चुइचुम्मा गाउँपालिका-१ याम्खा जोड्ने बाटोफेदीस्थित साप्सु खोलाको नवनिर्मित मोटररेवल पक्कि पुल उद्घाटन पश्चात कार्यक्रमलाई प्रमुख राईले सम्बोधन गर्दै प्रधानमन्त्री देउवा समक्ष पाँच बुदे माग पत्र पेश गरेका हुन् ।
गाउँपालिका प्रमुख एवम् महामन्त्री राईले दिक्तेल रुपाकोट मझुवागडी नगरपालि- ४ खाल्लेको आहालेबाट सोहि गाउँपालिका हुँदै उदयपुर जोड्ने सडक कालोपत्रको लागि आवश्यक बजेटको व्यवस्था गरिदिन प्रधानमन्त्री देउवा समक्ष माग पत्र पेश गरेको हो । फोक्सिङ्टार पुललाई यथाशीघ्र सम्पन्न गर्ने वातावरण मिलाइ दिन, खोटाङ र उदयपुर जोड्ने सुनकोशीको पुलहरु धाप्लाङ्घाट र रानीटारको निर्माणाधीन पक्की पुल यथाशीघ्र सम्पन्न गराउन, सुख्खाग्रस्त क्षेत्र हलेसीमा सञ्चालित बृहत लिफ्टिङ खानेपानी आयोजना चाँडो सम्पन्न गराउन र विद्युतीकरण हुन बाँकी जिल्लाका विभिन्न ठाउँहरुमा तत्काल विद्युतीकरण गराइदिन प्रधानमन्त्री देउवासमक्ष मागपत्र पेश गरेका हुन् ।
गाउँपालिका प्रमुख एवम् महामन्त्री राईले पेश गरेको मागपत्र ग्रहण गर्नुहुँदै प्रधानमन्त्री देउवाले आगामी आर्थिक वर्षमा सम्बोधन गर्ने प्रतिवद्धता जनाउनुभएको छ । खोटाङ र उदयपुरको सिमानामा पर्ने धाप्लाङघाट र रानीटारको पुलको प्रधानमन्त्री देउवाले वि.सं. २०७४ सालमा शिलान्यास गर्नुभएको थियो ।
प्रधानमन्त्री तथा नेपाली कांग्रेसका सभापती शेरबहादुर देउवा खोटाङमा मोटरेबल पक्की पुलको उद्घाटन गर्न सोमबार खोटाङ जानु भएको थियो । खोटाङको दिक्तेल रुपाकोट मझुवागढी नगरपालिका–४ खाल्ले र दिप्रुङ चुइचुम्मा गाउँपालिका–१ याम्खा जोड्ने साप्सुखोलामाको मोटरेवल पक्की पुल उद्घाटन गर्नुभएको थियो ।
