खोटाङ । प्रधानमन्त्री तथा नेपाली कांग्रेसका सभापती शेरबहादुर देउवाले खोटाङमा मोटरेबल पक्की पुलको उद्घाटन गर्नुभएको छ । सोमबार खोटाङको दिक्तेल रुपाकोट मझुवागढी नगरपालिका–४ खाल्ले र दिप्रुङ चुइचुम्मा गाउँपालिका–१ याम्खा जोड्ने साप्सुखोलामाको मोटरेवल पक्की पुल उद्घाटन गर्नुभएको हो ।
कार्यक्रमलाई सम्बोधन गर्दै प्रधानमन्त्री देउवाले अमेरिकन सहयोग मिलिनियम च्यालेन्ज कर्पोरेसन (एमसिसी) अनुदान नेपालको राष्ट्रहितमा रहेको बताउनुभएको छ । एमसिसी नेपालको राष्ट्रहितमा छ । उहाँले भन्नुभयो, “ यो अनुदान हो, अवश्य पनि यसले देशमा गरिवी निवारणदेखि लिएर आर्थीक विकासमा ठूलो भुमिका राख्ने विश्वास गरिएको छ ।” एमसिसीको बिषयमा केहि व्यक्तिहरुले गलत प्रचार-प्रसार गरे ता पनि एमसिसी कुनै पनि हालतमा राष्ट्र हितको विपरित नरहेको दावी गर्नुभयो ।
५ करोड ६० लाख १० हजार ५ सय ४५ रुपैँया मा निर्माण सम्पन्न भएको उक्त पुल २०७८ जेठ १७ गते निर्माणको काम सम्पन्न गर्ने गरी २०७६ जेठ १७ गते सम्झौता भएको थियो । संघीय सरकार र प्रदेश सरकारबाट प्राप्त समपूरक अनुदान तथा दिप्रुङ चुइचुम्मा गाउँपालिकाको दुई करोड बजेटमा निर्माण सम्पन्न भएको हो । ४० मिटर लामो पक्की पुल सूर्य एन्ड सन्स प्रालीले निर्माण सम्पन्न गर्ने ठेक्का सम्झौता गरेको थियो भने, स्थानीय सडक पुल कार्यक्रम (एलआरबिपी)को प्राविधिक सहयोगमा निर्माण सुरु गरिएको पुल नेपाली कांग्रेस प्रदेश- १ का महामन्त्री एवम् दिप्रुङ चुइचुम्मा गाउँपालिका प्रमुख भुपेन्द्र राईले वि.सं. २०७६ साल असार ११ गते शिलान्यास गर्नु भएको थियो ।
दिप्रुङ चुइचुम्मा गाउँपालिकाका अध्यक्ष भुपेन्द्र राईको विशेष पहलमा निर्माण सम्पन्न भएको यस पुलको उद्धाटन गर्न प्रधानमन्त्री देउवा साथमा खानेपानी मन्त्री उमाकान्त चौधरी र नेपाली कांग्रेसका सह–महामन्त्री भिष्मराज आङदेम्बे हेलीकप्टर मार्फत कार्यक्रम स्थल आउनु भएको थियो ।
साप्सु खोलामा मोटररेवल पक्की पुल निर्माण भएसँगै सदरमुकाम दिक्तेल बजारबाट सोहि गाउँपालिकाको याम्खा, टेम्मा, डाँडागाउँ, छितापोखरी, बतासे, छोरम्बु खोटेहाङ गागँपालिकाको चिप्रिङल र जन्तेढुङ्गा गाउँपालिका गरी दक्षिणी क्षेत्रका तीन वटा गाउँपालकिाका नागरकिलाई आवत जावतमा सहज भएको छ ।
उक्त पुल उद्घाटन कार्यक्रममा खाेटाङ जिल्लामा रहेकाे नेपाली काँग्रेसका नेता तथा कार्यकर्ता साथै जिल्लाबाट नेपाली काँग्रेसकाे सुभचिन्तक नागिकहरुकाे बाक्लाे उपस्थिति रहेकाे थियाे।
