एजेन्सी । साउदी अरेबियन तेल कम्पनी अराम्कोले एक वर्षमा आर्जन गरेको आम्दानीको विवरण आइतबार सार्वजनिक गरेको छ । कम्पनीले १ वर्षको कुुल नाफा ११० अर्ब डलर पुुगेको देखाएको छ । अराम्कोको २०२१ को खुद आम्दानीमा १२४ प्रतिशतले वृद्धि भएर ११० अर्ब डलर पुुगेको हो ।
यस किसिमको आम्दानी २०२० मा ४९ अर्ब डलर थियो । कच्चा तेलको मूल्यमा भएको वृद्धि, मजबुत प्रशोधन र रसायनका कारण कम्पनीको नाफामा वृद्धि भएको समाचारमा जनाइएको छ ।
रोयटर्सले पुरै वर्षको खुद आम्दानी १०९.७ अर्ब डलर हुने अपेक्षा गरेको थियो । यो नतिजापछि साउदी टाडाउल एक्सचेन्जमा आइतबार सेयरको मूल्यमा झन्डै ४ प्रतिशतको वृद्धि भएको छ ।
