उमेश भुजेल, जेष्ठ १- खोटाङ । खोटाङमा कोरोना भाइरसको संक्रमणबाट आज बिहान एक जनाको निधन भएको छ। ऐंसेलुखर्क गाउँपालिका वडा नम्बर–३ ऐंसेलुखर्कका ८० वर्षीय गोपीलाल राजभण्डारीको संक्रमणबाट निधन भएको हो। उनी लामो समयदेखी विरामी थिए। शुक्रबार गरिएको एन्टिजेन परीक्षणमा उनलाई हिजै कोरोना पोजेटिभ देखिएको थियो। होम अ।सुलेसनमा रइसाेलेसनमा स्वास्थ्य कर्मीको निग्रानिमा रहेको गाउँपालिकाका अध्यक्ष विश्वनाथ निरौलाले बाताए ।
कोरोना पोजेटिभ देखिएको २४ घण्टा नपुग्दै उनको शनिबार विहान ६ः३० बजे निधन भएको ऐंसेलुखर्क गाउँपालिकाका अध्यक्ष विश्वनाथ निरौलाले जानकारी दिए। मृतकको शव दाहासत्कार गर्ने तयारी गरिएको अध्यक्ष निरौलाको भनाई छ। राजभण्डारीको परिवारलाई नै कोरोना संक्रमण देखिएको उनको भनाई छ। स्वास्थ्यकर्मीको टोलीले सुरक्षितता अपनाएर शव दाहासत्कार गर्ने उनले जानकारी दिए।
गाउँपालिकाले कोरोना संक्रमणबाट जोगाउन केही दिन अघिदेखी गाउँपालिकामा निशेधाज्ञा गरिसकेको छ। ऐसेलुखर्क गाउँपालिकामा १२ जनामा कोरोना संक्रमण भएको छ भने जिल्लाभर ११८ जनामा संक्रमण देखिएको छ। संक्रमणबाट खोटाङ घर भइ अन्य ठाँउमा उपचारको क्रममा केहीले ज्यान गुमाएपनि जिल्लामा संक्रमणबाट राजभण्डारीको निधन भएको घटना पहिलो हो। मृतक राजभण्डारी नेपाली कांग्रेस ऐसेलुखर्क गाउँपालिकाका सभापति हरेराम राजभण्डारीका पिता हुन।
