काठमाडौ ।वर्तमान समयमा पेट्रोलियम पदार्थ लगायतका दैनिक उपभोग्य सामग्रीहरुमा भएको महंगी विरुद्ध आमुल परिवर्तन मसिह पार्टी नेपाल र परिवर्तन युवा संघद्वारा मोटर साइकल र्याली सहित काठमाडौंको चक्रपथ परिक्रमा गरिएकोछ। उक्त र्याली बिहिबार सम्पन्न भएको हो ।
पेट्रोलियम पदार्थ लगायत सम्पूर्ण महंगी नियन्त्रण गर, निःशुल्क शिक्षा , स्वास्थ्य लागु गर, महिला हिंसा अन्त्य गर, बलात्कारीलाई कडा कारवाही गर, भष्टाचार अन्त्य गर , धार्मिक विभेद अन्त्य गर, विदेशीसंग नझुक र नेपाली भूमि फिर्ता ल्याउ, शान्त, समृध्द नेपाल बनाऔं लगायतका मागहरु उल्लेख गरिएका ब्यानर तथा प्लेकार्ड सहित र्याली गरिएको थियो।
आमुल परिवर्तनले देशमा समयानुकुल विभिन्न क्षेत्रमा आवश्यकता अनुसार जनताको सेवामा क्रियाकलाप गर्दै आएको छ। चाहे त्यो देशका जुन सुकै भू-भागमा नै किन नहोस् बाढी पिडित तथा कोभिडले गर्दा समस्यमा परेकालाई राहत वितरण गर्न र घरबार विहिनहरुलाई खाना खुवाउन लगायत हरेक ठाउँमा आफ्नो उपस्थिति देखाउदै आएको छ।
