खोटाङमा एकै दिन २० जनामा कोरोना भाइरस संक्रमण पुष्टि

बैशाष २६, दिक्तेल। खोटाङ जिल्लामा एकै दिन २० जनामा कोरोना भाइरस संक्रमण पुष्टि भएको छ । जिल्लाको हलेसी तुवाचुङ नगरपालिकामा ११ जना र दिक्तेल रुपाकोट मझुवागढी नगरपालिकामा ५ र साकेला गाउँपालिकामा ४ जना गरि २० जनामा कोरोना भाइरसको संक्रमण पुष्टि भएको हो । आइतबार गरिएको एन्टीजेन परीक्षणमा उनीहरुलाई कोरोना देखिएको जिल्ला स्वाथ्य कार्यालय खोटाङका स्वाथ्य अधिकृत आनन्द लामीछानेले जानकरी दिनु भयो ।

यो संगै जिल्लामा कोरोना संक्रमित हुनेको संख्या ४८ पुगेको उहाले बताउनु भयो । जिल्लाको दिक्तेल रुपाकोट मझुवागढी नगरपालिकाकामा आज १६ जनामा एन्टीजेन परिक्षण गर्दा ६ जनामा कोरोना संक्रमन पुष्टि भएको छ । कोरोना संक्रमन पुष्टिहुनेहरुमा २६ वर्षका दुई जना ३१, ६४ वर्षका पुरुषमा र २१ वर्षीय महिला कोरोना संक्रमण पुष्टि भएको स्वास्थ्य शाखाका संयोजक तीर्थराज आचार्यले जानकारी दिनु भयो । यस्तै हलेसीतुवाचुङ नगरपालिकाले आज बाट एन्टीजेन परिक्षण थालेको छ ।

कोरोना संक्रमितलाई व्याबस्थापन गर्नको लागि कोरोना अस्पताल निमार्ण गरि आजबाट एन्टीजेन परिक्षण गरीएको हलेसी तुवाचुङ नगरपालिकाकी उपप्रमुख विमला राईले जानकारी दिनु भयो । नगरपालिकामा १७ जानालाको एन्टीजेन परीक्षण गर्दा ११ जनामा कोराना संक्रमण पुष्टि भएको हो । आइतबार बिहान हलेसी तुवाचुङ नगरपालिका–५ दुर्छिमको छापडाँडा र हलेसी तुवाचुङ नगरपालिका–७ महादेवस्थानको हलेसीमा गरिएको एन्टीजेन परिक्षणका क्रममा ११ जनालाई कोरोना संक्रमण पुष्टि भएपछि नगरपालिकालाई सिल गरिएको हो । संक्रमित भेटिएपछि नगरपालिकालाई शिल गरिएको छ ।

मध्यपहाडी लोकमार्ग अन्तरगतका जयराम, देखी बिजुले बजार तथा पसहरु बन्द गरिएको छ । यस्तै, दिक्तेल–गाईघाट सडक खण्ड अन्तरगत सोही नगरपालिकाभित्र पर्ने राजापानी देखि रेग्मीटारसम्मको खण्ड पनि बन्द गरिएको नगरपालिकाले जनाएको छ । औषधि, इन्धन जस्ता अत्यावश्यक सामग्री बोकेका बाहेक अन्य सवारी साधनको आवत–जावतमा पूर्णरुपमा रोक लगाइएको नगरपालिकाले जनाएको छ । भिडभाड भएर गरिने धार्मिक, साँस्कृतिक एवं राजनीतिक कार्यक्रममा पनि बन्देज लगाइएको जनाइएको छ ।