वैशाख २१ काठमाडौं ।
काठमाडौं उपत्यकामा बैंक तथा बिमा कम्पनीहरुले अब सबै शाखा कार्यालयहरु खोल्न नपाउने भएका छन् । उपत्यकाका तीनै जिल्लाका प्रमुख जिल्ला अधिकारीहरुको मंगलबार बसेको बैंठकले बैंक तथा वित्तीय संस्थाहरुलाई २५ प्रतिशतमात्रै शाखा खाेल्न दिने निर्णय गरेका छन ।
आजसम्म बैंक तथा बिमा कम्पनीहरुले थोरै कर्मचारी राखेर भए पनि सबै शाखा कार्यालयहरु खोलेर सेवा दिदै आएका छन् । सबै शाखा कार्यालय खोेल्दा भिड बढेको निश्कर्ष निकाल्दै प्रमुख जिल्ला अधिकारीहरुको बैठकले यस्तो निर्णय गरेका हुन ।
जस्तो कुनै एक बैंकको काठमाडौं उपत्यकामा २० वटा शाखा कार्यालयहरु छन् भने एक दिनमा ५ वटामात्रै खोल्न पाउने छन् । बैठकले बैंक तथा वित्तीय संस्थाको प्रधान कार्यालयमा समेत २० प्रतिशतमात्रै कर्मचारी राखेर काम गर्न दिने निर्णय गरेको छ । यसका लागि राष्ट्र बैंकले पनि आवश्यक समन्वय गर्नेछ ।
राष्ट्र बैंकका प्रवक्ता देवकुमार ढकालले बैठकको निर्णय आइनसकेको बताए । निर्णय प्राप्त भएपछि आज वा भोलि बैंकहरुलाई निर्देशन दिने उनले बताएका छन । प्रमुख जिल्ला अधिकारीहरुको नर्णिय अनुसार नै यस अघि केन्द्रीय बैंकले २५ प्रतिशतमात्रै कर्मचारी राखेर सेवा दिन बैंकहरुलाई निर्देशन दिएको थियो ।
